Sheniinterieri.ge გთავაზობთ ექსკლუზიურ ინტერვიუს ექიმ რეპროდუქტოლოგ ეკა კვირკველიასთან, რომელიც სოციალურ სივრცეში პოპულარული გახდა საინტერესო და საზოგადოებისთვის უაღრესად საჭირო ბლოგებით სექსუალურ განათლებასთან დაკავშირებით. როგორც გავარკვიეთ, ცნობილი ექიმის გატაცება ინტერიერია და ამიტომაც ინტერვიუზე სიამოვნებით დაგვთანხმდა:
გთავაზობთ ინტერვიუდან ამონარიდს:
– მოგესალმებით ეკა, გავიგეთ, რომ შესანიშნავ ექიმ-რეპროდუქტოლოგთან ერთად, დიზაინის მოყვარულიც ბრძანდებით. რით გამოიწვია თქვენი დაინტერესება ინტერიერისა და ექსტერიერის დიზაინმა?
– ზოგადად, ბავშვობიდან ვხატავ და ძალიან მიყვარს ბუნება. ვფიქრობ, რომ ის გარემო, სადაც ადამიანი ცხოვრობს, მნიშვნელოვანია იმ მხრივ, რომ ყოველდღიურ განწყობაზე ძალიან დიდი გავლენა აქვს. თან, გამოხატავს ადამიანის შინაგან იდენტობას. ამიტომ, გარდა იმისა, რომ მოგზაურობა და კითხვა მიყვარს, მხატვრობამ უფრო მეტად გამოიწვია ინტერესი დიზაინის სიყვარულის მიმართ.
– … თავად რამდენად იღებთ თქვენი სივრცის მოწყობაში მონაწილეობას, როგორც მივხვდი, თავად აკეთებთ ინტერიერში ყველაფერს პროფესიონალის დახმარების გარეშე.
– კიბატონო. მე თვითონ შემიძლია როგორც შეღებვა, ასევე გაჯის წასმაც და ავეჯის აწყობაც. მიყვარს ეგეთი რაღაცები. სამომავლოდ მაქვს რაღაც გეგმები და თუ დაგაინტერესებთ გაგიზიარებთ, ახლა არ მაქვს დასრულებული.
– რა თქმა უნდა… ანუ ხელსაქმე გეხერხებათ
კი ნამდვილად მეხერხება. ირგვლივ ბევრი არქიტექტორ-დიზაინერი მყავს. დედაჩემიც ექიმია და ძალიან უყვარს რენესანსის ეპოქა. სულ გვქონდა მხატვრობა გადაშლილი, პატარაობიდან მაცნობდა ფლორენციას, იტალიას, სადაც ეს აკვანი დაირწა. მე კი, რომ გავიზარდე, ვფიქრობდი, რომ კი ეს კარგია, უბრალოდ ჩემი მინდოდა შემექმნა.
ინტერვიუ სრულად იხილეთ აქ.
❤️ თუ ინტერიერი შენი ინტერესის სფეროა, გაეცანი ჩვენი გვერდის სხვა სტატიებს💫
მასალის გამოყენების პირობები
