ნაძალადევის რაიონი, ზღვისუბნის დასახლებაში სკვერი განახლდა, რომლის გახსნაში თბილისის მერის მოადგილემ კახაბერ გულედანმა და ნაძალადევის რაიონის გამგებელმა ირაკლი ანდღულაძემ ადგილობრივი მოსახლეობასთან ერთად მიიღეს მონაწილეობა.
სკვერის რეაბილიტაციის პროექტი ფართობზე 2400 კვ.მ-ს მოიცავდა, სადაც ინფრასტრუქტურულიდა გამწვანების სამუშაოები ჩატარდა. ამ ეტაპზე, თანამედროვე მოთხოვნებზე მორგებული სივრცე შეიქმნა.
პროექტი შემდეგ ნაბიჯებს მოიცავდა:
– საბავშვო-გასართობი ატრაქციონებისა და ტრენაჟორების დამონტაჟება.
– კალათბურთის მოედნისა და ტენისის მაგიდის განთავსება.
– ვიდეომონიტორინგის კამერების დაყენება უსაფრთხოების მიზნით.
– სარწყავი სისტემის, გარე განათების ქსელის და მოსასვენებელი სივრცეების მოწყობა.
– საფეხმავლო ბილიკებისმოწყობა და სპეციალური საჭიროების მქონე პირებისთვის ადაპტირებული კიბეების დამონტაჟება.
– ხე-მცენარეების დარგვა, რაც გარემოს უფრო მწვანეს და კომფორტულს ხდის.
კახაბერ გულედანმა და ირაკლი ანდღულაძემ ყურადღება გაამახვილეს ადგილობრივი მოსახლეობის საჭიროებებზე.
„ზღვისუბნის დასახლებაში კიდევ ერთი მოსასვენებელი სივრცე რეაბილიტირდა. ამორტიზებული სკვერი ახალი ტიპის მრავალფუნქციური სივრცით ჩანაცვლდა, რომელიც ყველა თაობის ადამიანზეა გათვლილი. მსგავსი პროექტების განხორციელებას მომავალშიც გავაგრძელებთ“, – აღნიშნა ირაკლი ანდღულაძემ.
ნაძალადევის რაიონში სკვერის რეაბილიტაცია და კეთილმოწყობა გამგეობის ბიუჯეტიდან 793,000 ლარის მოცულობით განხორცირლდა.
მასალის გამოყენების პირობები
