თბილისის მერმა, კახა კალაძემ, პრემიერ-მინისტრ ირაკლი კობახიძესთან ერთად, დიდი დიღომში მრავალფუნქციური ცენტრი გახსნა. ცენტრი აღჭურვილია ყველა საჭირო საშუალებით და მზად არის მოქალაქეების მიღებისთვის.
ახალი მრავალფუნქციური სპორტული სივრცე სრულად აღჭურვილია და მოქალაქეებს შორის სხვადასხვა საქმიანობისთვის გათვალისწინებულია ფართო არჩევანი. ცენტრში იქნება ორი საცურაო აუზი, კალათბურთისა და ფრენბურთის მოედნები, კრივი, ჭიდაობა და ტანვარჯიშისთვის განკუთვნილი დარბაზები. გარდა ამისა, ის მოიცავს მედიათეკას, კაფე-ბარს, დასასვენებელ სივრცეებს და საუნებს.
„დამოუკიდებელი საქართველოს ისტორიაში ამხელა პროექტი – მრავალფუნქციური სპორტული სივრცე არ განხორციელებულა. ამ მასშტაბის და მოცულობის პროექტი რეგიონშიც პირველია და ძალიან მიხარია, რომ ჩვენს დედაქალაქში, კონკრეტულად, დიდ დიღომში იქნება ეს სივრცე, რომელიც უკვე რამდენიმე დღეში მოემსახურება მოსახლეობას. პროექტის ფარგლებში გათვალისწინებულია ორი საცურაო აუზი, ორი საკალათბურთო მოედანი, ტანვარჯიშისთვის, კრივისთვის, ჭიდაობისთვის განკუთვნილი დარბაზები, მედიათეკა, კაფე-ბარი, დასასვენებელი სივრცეები, საუნები, მიწისქვეშა პარკინგი. 10 000-მდე ადამიანის მიღება შეეძლება აღნიშნულ ცენტრს ყოველთვიურად“, – განაცხადა კახა კალაძემ.
კახა კალაძემ ასევე მოუწოდა 60 წელს გადაცილებულ მოქალაქეებს, ისარგებლონ უფასო მომსახურებით, რომელიც ცენტრში იქნება ხელმისაწვდომი.
მრავალფუნქციური ცენტრი არა მხოლოდ სპორტის, არამედ კულტურისა და განათლების თვალსაზრისითაც მნიშვნელოვან როლს ითამაშებს. შენობაში იქნება ხმის ჩამწერი სტუდია, სპორტული რეაბილიტაციის ცენტრი და ახალგაზრდული ცენტრი, რაც ხელს შეუწყობს ახალგაზრდა თაობისთვის ახალი შესაძლებლობების შექმნას.
ამ პროექტის ჯამური ღირებულება 17,186,593 ლარს შეადგენს. ახალი ცენტრი თბილისს ახალი ენერგიით მოამარაგებს და სხვადასხვა ტიპის ღონისძიებების და აქტივობების ჩატარების შესაძლებლობას შექმნის.
მასალის გამოყენების პირობები
