შინაგან საქმეთა სამინისტროს ინფორმაციით, თბილისის პოლიციის დეპარტამენტის ისანი-სამგორის მთავარი სამმართველოს თანამშრომლებმა, ოპერატიული ღონისძიებებისა და საგამოძიებო მოქმედებების შედეგად, ნარკოდანაშაულის ბრალდებით ერთი პირი დააკავეს.
აღნიშნული პირი, 2002 წელს დაბადებული გ.ბ., განსაკუთრებით დიდი ოდენობით ნარკოტიკული საშუალების უკანონო შეძენა-შენახვის ბრალდებით არის დაკავებული. ამასთან, დაკავებული წარსულში მრავალჯერ ნასამართლევია და ამჟამად პირობითი მსჯავრის ქვეშ იმყოფება.
ჩატარებული პირადი ჩხრეკისას სამართალდამცველებმა დაკავებულისგან ნარკოტიკული ნივთიერება „მეტადონი“ ამოიღეს. აღნიშნული დანაშაული საქართველოს სისხლის სამართლის კოდექსის 260-ე მუხლით ისჯება და ითვალისწინებს 20 წლამდე ან უვადო თავისუფლების აღკვეთას. გამოძიება მიმდინარეობს.
#drpkhakadze #გიორგიფხაკაძე #davidiani #shenitbilisi #აქხარისხია
QR კოდი
სტატიის ციტირება
შენი თბილისი. (2026). პოლიციამ თბილისში ნარკოდანაშაულის ბრალდებით ერთი პირი დააკავა. 12 ივლისი, 2026. https://shenitbilisi.ge/პოლიციამ-თბილისში-ნარკოდ/
