წყნეთში, დადიანისა და ევროპის ქუჩების რეაბილიტაცია დაიწყო
წყნეთში საგზაო სამუშაოები ხორციელდება. ამ დროისთვის გზის დაზიანებული საფარის განახლება დადიანისა და ევროპის ქუჩებზე მიმდინარეობს , – ამის შესახებ ინფორმაციას თბილისის მერია ავრცელებს.
როგორც გავრცელებულ განცხადებაშია აღნიშნული, მთლიანობაში, სარეაბილიტაციო არეალი 3 100 კვადრატულ მეტრ ფართობს მოიცავს.
აღსანიშნავია, რომ წყნეთში, ასფალტის საფარის განახლება- რეაბილიტაციის დაწყებასთან ერთად, რამდენიმე ქუჩაზე მოეწყო სანიაღვრე ქსელებიც.
