საქართველოს კულტურისა და სპორტის სამინისტროს მხარდაჭერით, 1 ნოემბერს, 20:00 საათზე, ვანო სარაჯიშვილის სახელობის თბილისის სახელმწიფო კონსერვატორიის დიდ დარბაზში მგალობელ-მომღერალთა ანსამბლის „სათანაო“ საიუბილეო კონცერტი გაიმართება.
კონცერტი, სახელწოდებით „მაშ გამარჯვება ტკბილო სამშობლო“, აუდიტორიას ქართული ტრადიციული საგალობლების, ქალაქური ფოლკლორის და ქვეყნის სხვადასხვა კუთხის ხალხური მუსიკის ნიმუშებს სთავაზობს. განსაკუთრებული ყურადღება დაეთმობა 20 წლის მანძილზე ანსამბლის რეპერტუარის საუკეთესო და გამორჩეულ ქმნილებებს.
„სათანაო“ ახერხებს ქართული კულტურის და მუსიკის უნიკალურობის შენარჩუმებას, ხოლო მათი შინაარსი და შესრულება, პუბლიკისთვის დაუვიწყარ გამოცდილებას ქმნის. ღონისძიება მოიცავს როგორც პროფესიონალური მუსიკალური შესრულების, ასევე კულტურული მემკვიდრეობის გადაცემის ელემენტებს, რაც კიდევ უფრო მნიშვნელოვნად აქცევს კონცერტს.
კონცერტის მთავარ თემებს გმირობა, სიყვარული და სამამულო გრძნობა წარმოადგენს, რაც განაპირობებს ანსამბლის „სათანაო“ განსაკუთრებულობას ქართულ მუსიკალურ სცენაზე.
მასალის გამოყენების პირობები
