ბიოტექნოლოგიური კომპანიის Loyal-ის წარმომადგენლების თქმით, ძაღლების სიცოცხლის გასახანგრძლივებელ წამალს გამოუშვებენ. ინფორმაციას უცხოური მედია ავრცელებს.
სურსათისა და წამლების ადმინისტრაციის (FDA) ვეტერინარული მედიცინის ცენტრმა დაადასტურა, რომ Loyal-ის მონაცემები აკმაყოფილებს მოთხოვნილებებს. ეს ნიშნავს იმას, რომ FDA LOY-001-ის პრეპარატით კმაყოფილია და მალე შეიძლება ის დაჩქარებული გზით დამტკიცდეს.
„Loyal დაარსდა ამბიციური მიზნით, შეგვექმნა პირველი წამალი, რომელიც ძაღლებს ჯანსაღ სიცოცხლეს გაუხანგრძლივებდა. ამ ეტაპამდე მოსაღწევად წლების დაუღალავი შრომა დაგვჭირდა. ვაგრძელებთ მუშაობა. ველოდებით FDA-ის დასტურს. ბოლო შედეგებზე დაყრნობით შეგვიძლია ვთქვათ, რომ შედეგები მალე გვექნება”, – აღნიშნულია კომპანიის განცხადებაში.
მსხვილ და გიგანტურ ძაღლებს, როგორიცაა გოლდენ რეტრივერები, დიდი დანიელები და ნიუფაუნდლენდი, სიცოცხლის ხანგრძლივობა საკმაოდ ხანმოკლეა – ამ უკანასკნელთა სიცოცხლის საშუალო ხანგრძლივობა 8-დან 10 წლამდეა. წინა კვლევებმა აჩვენა, რომ ეს არის დიდი ძაღლების წლების შერჩევითი მოშენების შედეგი, რაც მათ უზარმაზარი სხეულების გენეტიკური რეცეპტის საშუალებას აძლევს, მაგრამ ასევე ხანმოკლე სიცოცხლეს. ძაღლებში ასეთი ზომები არ არის ბუნებრივი. ეს ადამიანების მიერ შერჩევისა და შესაბამისი შეჯვარების შედეგია. Loyal-ში ასეთი ძაღლების ხანმოკლე სიცოცხლეს ვხედავთ არა როგორც გარდაუვალს, არამედ, როგორც გენეტიკურ დაავადებას. შესაბამისად, მისი წამლებით მკურნალობაზე დაქვემდებარება შედარებით უფრო მარტივია”, – თქვა ბრენენ მაკკენზიმ, Loyal-ის ვეტერინარული მედიცინის დირექტორმა.
რა არის LOY-001-ის სამიზნე? ეს ზრდის ჰორმონი IGF-1-ია. სწორედ ეს ჰორმონია დიდ ძაღლებში ზედმეტად ჭარბად. მედიკამენტის ინექცია მოხდება ექვსი თვის განმავლობაში, რამაც საბოლოოდ IGF-1-ის დონე უნდა შეამციროს. მიზანი, სავარაუდოდ, მიღწეულია.~
ეს არ ნიშნავს იმას, რომ ძაღლებს უსასრულოდ სიცოცხლე შეეძლებათ.
”ეს ნამდვილად არ არის უკვდავების ან სიცოცხლის ხანგრძლივობის რადიკალური წამლები”, – თქვა ჰალიუამ The New York Times-თან.
თუმცა, არც ეს არის ცოტა. ზოგადად მნიშვნელოვანი წინ გადადგმული ნაბიჯი იქნება სიცოცხლის გახანგრძლივების მიმართულებით. FDA-ის დასტურის შემთხვევაში, LOY-001 პირველი მედიკამენტი გახდება, რომელსაც როგორც სიცოცხლის გასახანგრძლივებელი ისე დაამტკიცებენ.
ვნახოთ, რა იქნება შემდეგი. ვინ იცის, იქნებ შემდეგი უკვე ადამიანების სიცოცხლის გახანგრძლივება იყოს. ამაზე უარს, ალბათ არ ვიტყოდით.
#datashvil #drpkhakadze #sheniekimi
მასალის გამოყენების პირობები
