🔴არსებობს თუ არა იმუნიტეტის გასაძლიერებელი მედიკამენტები?

​საქართველოს პირველი არხის გადაცემა „პირადი ექიმი – მარი მალაზონია“

არსებობს თუ არა იმუნიტეტის გასაძლიერებელი მედიკამენტები?

საუბრობს იმუნოლოგ-ალერგოლოგი, თსსუ-ს პროფესორი დავით თელია:

„სრული პასუხისმგებლობით ვამბობ, რომ ბუნებაში არ არსებობს ასეთი პრეპატარი, რომელიც იმუნურ სისტემას ასტიმულირებს, იმუნურ პასუხს აძლიერებს. არავითარი მტკიცებულება არ არის, მიუხედავად იმისა, რომ, სავსეა ლიტერატურა, მათ შორის, სოციალური ქსელები სხვადასხვა რეკომენდაციით.

დღეს მედიცინაში ერთი მთავარი პრობლემაა, სარწმუნო სამედიცინო ინფორმაცია. სარწმუნო რეკომენდაციების მოძიება უფასო რესურებში ძალიან რთულია,  სამწუხაროდ, პაციენტები ძალიან ხშირად იჯერებენ და იყენებენ, ზოგჯერ ასეთი საშუალებების გამოყენება იძლევა გაცილებით უარეს შედეგს.

იმუნური სისტემის მობილიზაციის და მისი ნორმალური ფუნქციონირების გარანტიის ერთადერთი საშუალება გახლავთ ადამიანის ცხოვრების წესი:

ნორმალური კვება, ფიზიკური აქტივობა და ა.შ. თუ გვინდა იმუნური სისტემა იყოს ფორმაში, მაქსიმალურად უნდა შევეცადოთ, რომ ვიყოთ ბუნებაში, კარგია ცხოველებთან ურთიერთობა, ესეც ასტიმულირებს იმუნურ სისტემას.

რაც უფრო მეტ ინფექციას ხვდება ადამიანი, მისი იმუნური სისტემა მით უფრო ვარჯიშობს. ძალიან ხშირად ამბობენ, განსაკუთრებით მშობლები, რომ ბავშვები წელიწადში 4-5-ჯერ ცივდებიან ვირუსული ინფექციებით. მინდა დავამშვიდო, რომ 6-7 და ზოგიერთი მონაცემებით 8 ინფექცია, ჩვეულებრივი ვირუსული სახადი ინფექცია, არის მისაღები. ეს არ ნიშნავს იმას, რომ ადამიანის იმუნუდეფიციტური მდგომარეობა არის, პირიქით ეს ყველაფერი აძლიერებს იმუნურ სისტემას, მას ასტიმულირებს. სამწუხაროდ, ვიტამინები და ა.შ. არ აძლიერებს იმუნიტეტს. დღესდღებით ასეთი საშუალებები არ არსებობს“.

#datashvil    #drpkhakadze  #sheniganatleba