თბილისში 64 უფასო სასადილო ფუნქციონირებს, სადაც 44,436 ბენეფიციარი იღებს მომსახურებას. დედაქალაქის მერიის საჯარო ინფორმაციის თანახმად, ერთ დღეში ერთ ბენეფიციარზე მომსახურების ფასი 1.7 ლარია.
როგორც გაირკვა, ძირითად სიაში რეგისტრირებული ბენეფიციართა რაოდენობა 42,160-ია, რომელთაც ყოველდღიურად შეუძლიათ მათზე გათვლილი ულუფის მიღება. დამატებით სიაში რეგისტრირებულია 2,276 ბენეფიციარი, რომლებიც საკვებს მხოლოდ იმ შემთხვევაში იღებენ, თუ ძირითადი სიიდან ბენეფიციარი არ გამოცხადდება.
ნაძალადევის რაიონი ლიდერობს ბენეფიციართა რაოდენობით, სადაც 10 უფასო სასადილოა, და აქ რეგისტრირებულია 8,053 ძირითადი და 705 დამატებითი სიის ბენეფიციარი.
“ქალაქ თბილისის მუნიციპალიტეტის ბიუჯეტით გათვალისწინებული უფასო სასადილოებით მომსახურების” ქვეპროგრამის ფარგლებში, ბენეფიციარები ყოველდღიურად იღებენ საკვებს, რაც უზრუნველყოფს მათ საჭიროებებს. ძირითადი სიის ბენეფიციარებზე საკვები გაიცემა არანაკლებ 6 საათის განმავლობაში, ხოლო 14:00 საათიდან 16:00 საათამდე სადილს იღებენ დამატებითი სიით მოსარგებლეები.
მასალის გამოყენების პირობები