თბილისის საკრებულოს ქონების მართვისა და საფინანსო-საბიუჯეტო კომისიის თავმჯდომარემ, ლევან არველაძემ, 2025-2026 წლებში გაწეული საქმიანობის ანგარიში წარადგინა. ანგარიშის წარდგენას თბილისის საკრებულოს და საქართველოს პარლამენტის წევრები, მერიის წარმომადგენლები დაესწრნენ.
News.ge-ის ინფორმაციით, საანგარიშო პერიოდში ქონების მართვისა და საფინანსო-საბიუჯეტო კომისიამ 293 საკითხი განიხილა, მათ შორის ქონების მართვის სააგენტოდან შემოსული 260 პროექტი, რომლებიც საცხოვრებელი ფართების დაკანონებას ეხებოდა. 2017 წელს დაწყებული პროგრამის ფარგლებში ამ პროცესის საშუალებით 3 195 ოჯახს დაკანონების საკითხი დადებითად გადაუწყდა. კომისიამ ასევე უძრავი ქონების იჯარით გადაცემასთან დაკავშირებული 70 პროექტი განიხილა.
არველაძემ დედაქალაქის 2026 წლის ბიუჯეტის შესახებ ისაუბრა, რომელიც ცვლილებების შემდეგ 2 მილიარდ 663 მილიონ 350 ათას ლარს შეადგენს. ბიუჯეტის პრიორიტეტულ მიმართულებებში შედის ჯანდაცვა, სოციალური უზრუნველყოფა, განათლება, კულტურა, სპორტი, სატრანსპორტო ინფრასტრუქტურა და ბინათმესაკუთრეთა ამხანაგობების განვითარება.
ეკონომიკური განვითარების, საინვესტიციო პოლიტიკისა და საერთაშორისო ურთიერთობების კომისიის საქმიანობის მიმოხილვას დროს აღინიშნა, რომ კულტურული მემკვიდრეობის დამცავ ზონაში არსებული ავარიული შენობა-ნაგებობების რეაბილიტაციასთან დაკავშირებით 75 პროექტი განიხილეს და დამტკიცდა ავარიული შენობების ჩანაცვლების ოთხი ფინანსური მოდელი. დაუმთავრებელი მშენებლობის პროგრამების ფარგლებში დაზარალებული ოჯახებისთვის ჯამში 20 657 282 ლარი გაიცა.
წყარო: News.ge — ორიგინალი პუბლიკაცია · განახლდა 21 ოქტომბერი
