2026 წლის 5 დეკემბერს მთაწმინდის პარკში Global Tech Weekend 2027-ის ოფიციალური გახსნის ღონისძიება გაიმართება. ღონისძიების ფარგლებში მომავალი წლის კონცეფცია, საერთაშორისო გაფართოების გეგმები და მნიშვნელოვანი სტრატეგიული პარტნიორობები დაანონსდება.
მთავარი ინოვაცია ღონისძიებაზე ქართველი სტარტაპების პრეზენტაცია იქნება. სტარტაპებმა საკუთარი ბიზნესიდეები საერთაშორისო ინვესტორებს მთაწმინდის პანორამული ბორბალის კაბინებში წაუდგებიან. თითოეული დამფუძნებელი ღებულობს ერთი სრული ბრუნი — 6 წუთი — საკუთარი სტარტაპის წარსადგენად. ისტორიაში პირველად, პანორამული ბორბალი მთლიანად ქართულ სტარტაპებსა და საერთაშორისო ინვესტორებს დაეთმობა, რომლებიც Global Tech Weekend-ის გლობალური ქსელიდან სპეციალურად ჩამოვლენ.
მთელი პროცესი პირდაპირ ეთერში გადაიცემა, ამიტომ თითოეული გამოსვლა ხილული იქნება კაბინაში მყოფი ინვესტორებისთვის და ფართო აუდიტორიისთვისაც. გამარჯვებული სტარტაპი იმავე საღამოს დაჯილდოების ცერემონიაზე გამოვლინდება. ორგანიზატორების თქმით, ფორმატის მიზანი ქართული სტარტაპებისა და საერთაშორისო ინვესტორების დაკავშირებაა, რომელიც გრძელვადიან შედეგებზე იქნება ორიენტირებული.
პანორამული ბორბლის სესიის შემდეგ Mtatsminda Hall-ში Global Tech Weekend 2027-ის ოფიციალური პრეზენტაცია გაიმართება. ღონისძიება ერთ სივრცეში გააერთიანებს 10-ზე მეტი სექტორის წარმომადგენლებს: ტექნოლოგიურ კომპანიებს, ინვესტორებსა და ვენჩურულ ფონდებს, კორპორატიულ ლიდერებს და სტარტაპების დამფუძნებლებს.
სტარტაპებისა და ინვესტორების განაცხადების მიღება მალე დაიწყება. დეტალური ინფორმაცია Global Tech Weekend-ის ოფიციალურ გვერდებზე გამოქვეყნდება. ღონისძიება დახურულ ფორმატში გაიმართება და მონაწილეობა მხოლოდ წინასწარი რეგისტრაციით იქნება შესაძლებელი.
წყარო: Marketer.ge — ორიგინალი პუბლიკაცია · განახლდა 26 ოქტომბერი
