,,თბილისი ენერჯის” ინფორმაციით, 9 ოქტომბრიდან 11 ოქტომბრამდე გაზმომარაგების ქსელის სარეაბილიტაციო სამუშაოების გამო, 12,500-მდე აბონენტს დროებით გაზის მიწოდება შეუწყდება. სამუშაოები დაიწყება 9 ოქტომბერს, 08:00 საათზე და დასრულდება 11 ოქტომბერს, 08:00 საათზე.
შეზღუდვა შეეხება საბურთალოს, ვაზისუბნის და დიღმის სხვადასხვა უბნებში მცხოვრებ მოსახლეობას. კერძოდ, გაზის მიწოდება შეწყდება იური გაგარინის ქუჩაზე, ვაშლიჯვარში, დიღომსა და მათ მიმდებარე ტერიტორიებზე, სადაც განთავსებულია საცხოვრებელი კორპუსები, კომერციული ობიექტები და სახელმწიფო ინსტიტუტები.
,,თბილისი ენერჯი” მოუწოდებს აბონენტებს, ყურადღებით მოეკიდონ პროცესს და გააკონტროლონ გაზის ონკანების მდგომარეობა. გაზის მიწოდება აღდგება 11 ოქტომბერს, 09:00 საათზე.
კომპანია ბოდიშს უხდის აბონენტებს შექმნილი დისკომფორტისთვის და აცხადებს, რომ სამუშაოები აუცილებელია უსაფრთხოებისა და ხარისხის გაზრდისთვის.
მასალის გამოყენების პირობები
