თბილისის 2025 წლის ბიუჯეტი 2.1 მილიარდ ლარს შეადგენს, რაც წინა წლის ბიუჯეტთან შედარებით 200 მილიონი ლარით მეტია. დედაქალაქის მერმა, კახა კალაძემ, თბილისის მუნიციპალიტეტის მთავრობის სხდომაზე დეტალურად განიხილა, როგორ დაიხარჯება მომავალი წლის ბიუჯეტი და რომელ სფეროებშია დაგეგმილი უმნიშვნელოვანესი პროექტების განხორციელება.
თბილისის ბიუჯეტის ძირითად ნაწილს კვლავ ჯანდაცვის და სოციალური მიმართულებები შეადგენს. როგორც კალაძე აცხადებს, 2025 წლის ბიუჯეტში ჯანდაცვასა და სოციალურ პროგრამებზე დაახლოებით 530 მლნ ლარია გათვალისწინებული. ეს თანხა გაძლიერებული პროგრამების და პროექტების განსახორციელებლად დაიხარჯება.
- ბიუჯეტის მნიშვნელოვანი ნაწილი, დაახლოებით 740 მლნ ლარი, ინფრასტრუქტურულ პროექტებზე დაიხარჯება. ამ თანხით განხორციელდება რამდენიმე უმნიშვნელოვანესი პროექტი, მათ შორის:
გარდამავალი პროექტები:18-მეტრიანი ავტობუსების შესყიდვა, ახალი ავტობაზის მშენებლობა, საგზაო ინფრასტრუქტურის მოდერნიზაცია, მათ შორის გმირთა მოედნიდან სანაპიროზე გამსვლელი საგზაო კვანძის მოდერნიზაცია. - ინფრასტრუქტურული პროექტები: უნივერსიტეტისა და შავიშვილის ქუჩების დამაკავშირებელი გვირაბის მშენებლობა, ასევე რამდენიმე ქუჩის რეაბილიტაცია, მათ შორის გახოკიძისა და ბურჯანაძის ქუჩების.
- ისტორიული ადგილები: ნარიყალას ციხის და ე.წ. კადეტთა კორპუსის, ასევე მოსწავლე-ახალგაზრდობის ეროვნული სასახლის რეაბილიტაცია.
2025 წელს დაგეგმილია არაერთი ახალი პროექტი, რომელთა განხორციელებაც ქალაქის ინფრასტრუქტურის გამწევ ძალად იქცევა. მათ შორის:
- რუსთაველის გამზირის რეაბილიტაცია
- ვერის ბაღისა და ჭადრაკის სასახლის რეაბილიტაცია
- ვაკის პარკის რეაბილიტაციის დასრულება
თბილისის მერმა აღნიშნა, რომ თბილისის მუნიციპალიტეტი 2025 წელს უპრეცედენტო დონეზე მიიღებს დაფინანსებას ცენტრალური მთავრობისგან. კალაძის განცხადებით, ის აქტიურად მუშაობს ცენტრალურ ხელისუფლებასთან, რათა მომავალში განხორციელდეს კიდევ რამდენიმე მნიშვნელოვანი პროექტი, რომლებიც მეტ შესაძლებლობებს შესთავაზებს დედაქალაქს. ,,მუნიციპალიტეტი ცენტრალური მთავრობისგან უპრეცედენტოდ მაღალ დაფინანსებას მიიღებს, რაც მეტი საინტერესო საქმის გაკეთების შესაძლებლობას გვაძლევს. ბიუჯეტის პროექტი დასრულებული სახით საკრებულოს უახლოეს პერიოდში გადაეგზავნება, რომელიც ტრადიციულად, წლის ბოლოს განიხილება“, – აღნიშნა თბილისის მერმა.
#drpkhakadze #davidiani #shenitbilisi
მასალის გამოყენების პირობები
