თბილისი მსოფლიო საფოსტო კავშირის (UPU) რეგიონულ შეხვედრას მასპინლობს, რომელშიც ევროპის და ცენტრალური აზიის ქვეყნების წარმომადგენლები მონაწილეობენ. საქართველოს ეკონომიკისა და მდგრადი განვითარების სამინისტროს კავშირგაბმულობის, საინფორმაციო და თანამედროვე ტექნოლოგიების დეპარტამენტის უფროსი ეკა ყუბუსიძე და „საქართველოს ფოსტის“ გენერალური დირექტორი ლევან ჩიკვაიძე ღონისძიების მონაწილეები არიან.
შეხვედრა, რომელიც სამი დღის განმავლობაში გაგრძელდება, საფოსტო სექტორში არსებული საერთაშორისო ტენდენციებისა და განვითარებაზეა ორიენტირებული. მასში მონაწილეობენ ეროვნული საფოსტო პოლიტიკის შემუშავებაზე პასუხისმგებელი წარმომადგენლები, ასევე საფოსტო მარეგულირებლები, რომლებიც განიხილავენ თანამედროვე გამოწვევებსა და სტრატეგიულ მიმართულებებს, რომლებიც დაკავშირებულია რეგიონულ და გლობალურ საფოსტო პოლიტიკასთან.
აღნიშნული შეხვედრის ერთ-ერთი მნიშვნელოვანი თემა არის ციფრული ტექნოლოგიების გავლენა საფოსტო სფეროზე. მიუხედავად იმისა, რომ თანამედროვე ინოვაციები და ელექტრონული სისტემების გამოყენება ამ სფეროში აქტიურად ვითარდება, საფოსტო მომსახურება კვლავაც ცენტრალურ როლს ასრულებს ადამიანის ყოველდღიურ ცხოვრებასა და გლობალურ კომუნიკაციებში. როგორც ეკა ყუბუსიძე აღნიშნავს, ციფრული ეპოქის პირობებში, საფოსტო სფერო, როგორც მსოფლიოს მასშტაბით, ასევე რეგიონში, მნიშვნელოვან რგოლს წარმოადგენს და მისი როლი გაცილებით მნიშვნელოვანია, განსაკუთრებით ელექტრონული კომერციისა და გზავნილების ზრდის ფონზე.
ღონისძიება UPU-ს 2022-2025 წლების რეგიონული განვითარების გეგმის ფარგლებში ჩატარდა, რომელშიც მონაწილეობს 30-ზე მეტი ქვეყნის საფოსტო სექტორის წარმომადგენელი იღებდა. შეხვედრა წარმოადგენს პლატფორმას წევრი ქვეყნების წარმომადგენლებისთვის, რათა მათ განიხილონ საფოსტო ქსელის დივერსიფიცირებული გამოყენება და განავითარონ ეროვნული და რეგიონული საფოსტო პოლიტიკის შემუშავების პროცესები.
„დარწმუნებულები ვართ, რომ წარმომადგენლობა ყველა ქვეყნის საფოსტო საჭიროებების დაკმაყოფილებით წარმატებით შეასრულებს თავის მანდატს, რეგიონის მასშტაბით გააძლიერებს მსოფლიო საფოსტო კავშირის საქმიანობას, რაც კავშირის წევრებს შორის თანამშრომლობას ხარისხობრივად კიდევ უფრო მაღალ დონეზე აიყვანს“, – აღნიშნა ყუბუსიძემ.
საქართველო UPU-ს წევრი 1993 წლიდან არის და აქტიურად მონაწილეობს ინოვაციურ, მდგრადი საფოსტო სერვისების შექმნაში. ქვეყანა უკვე ორი თანმიმდევრული ვადით არის არჩეული კავშირის საბჭოების წევრად და აქტიურად მუშაობს გლობალური საფოსტო დღის წესრიგის განვითარებაზე.
მსოფლიო საფოსტო კავშირის (UPU) შეხვედრა თბილისში კიდევ ერთხელ ადასტურებს, რომ მიუხედავად ციფრულ ტექნოლოგიების ზრდისა და ელექტრონული კომერციის გავლენის, საფოსტო სექტორი მნიშვნელოვან როლს ასრულებს როგორც ეროვნულ, ასევე საერთაშორისო დონეზე.
