თბილისში სამართალდამცველებმა ინტერპოლის მიერ წითელი ცირკულარით ძებნილი, ყაზახეთის რესპუბლიკის მოქალაქე, 1990 წელს დაბადებული რ.ბ. დააკავეს. აღნიშნული პირი ყაზახეთის მხარის მიერ 2025 წლის ნოემბრიდან იძებნებოდა — ინფორმაციას შსს ავრცელებს.
გამოძიებით დადგინდა, რომ რ.ბ. პირადი მატერიალური სარგებლის მოტივით ყაზახეთის რესპუბლიკის ტერიტორიაზე უკანონო აზარტულ საქმიანობას, ონლაინ კაზინოს ორგანიზებასა და მართვას ეწეოდა. ადგილობრივი კანონმდებლობით მსგავსი ტიპის საქმიანობა აკრძალულია და ლიცენზირებას არ ექვემდებარება.
გარდა ამისა, სამართალდამცველების ინფორმაციით, ბრალდებულმა ონლაინ აზარტულ თამაშებში მონაწილე პირების მიერ მის საბანკო ანგარიშებზე შეტანილი დიდი ოდენობის თანხა უკანონოდ მიისაკუთრა.
ამ ეტაპზე დაკავებულის მიმართ კანონით გათვალისწინებული წინასაექსტრადიციო პროცედურები ხორციელდება.
მეტი საინტერესო ინფორმაციისთვის ეწვიეთ sheniambebi.ge-ს.
#drpkhakadze #გიორგიფხაკაძე #davidiani #shenitbilisi #აქხარისხია
