თბილისში, ავლაბარში, 38 წლის კაცის მკვლელობის ბრალდებით, ერთი პირი დააკავეს. ამის შესახებ ინფორმაციას შინაგან საქმეთა სამინისტრო ავრცელებს.
განზრახ მკვლელობის ფაქტი შინაგან საქმეთა სამინისტრომ ცხელ კვალზე გახსნა. შსს-ს ინფორმაციით, თბილისის პოლიციის დეპარტამენტის თანამშრომლებმა ჩატარებული ოპერატიულ-სამძებრო და საგამოძიებო მოქმედებების შედეგად 1963 წელს დაბადებული ზ.მ. დააკავეს.
გამოძიების მიხედვით, 2025 წლის 29 ივნისს, ბრალდებულმა ურთიერთშელაპარაკებისას 1986 წელს დაბადებულ გ.ბ.-ს ცივი იარაღით ჭრილობა მიაყენა, რის შემდეგაც შემთხვევის ადგილიდან მიიმალა. დაჭრილი მამაკაცი მიღებული დაზიანებების შედეგად ადგილზე გარდაიცვალა.
სამართალდამცველებმა ბრალდებული პირი მალევე დააკავეს.
საქმეზე გამოძიება საქართველოს სისხლის სამართლის კოდექსის 108-ე მუხლით მიმდინარეობს, რაც განზრახ მკვლელობას გულისხმობს და 15 წლამდე ვადით თავისუფლების აღკვეთას ითვალისწინებს.
შინაგან საქმეთა სამინისტრო განაგრძობს დეტალების დაზუსტებას და მტკიცებულებების გამოკვლევას.
#drpkhakadze #გიორგიფხაკაძე #davidiani #shenitbilisi #აქხარისხია
