ლეგენდარული ქართველი მუსიკოსი და მომღერალი ნანი ბრეგვაძე 88 წლის გახდა
ნანი ბრეგვაძე, ლეგენდარული ქართველი მუსიკოსი და მომღერალი, თბილისში დაიბადა. მან ვანო სარაჯიშვილის სახელობის სახელმწიფო კონსერვატორიის საფორტეპიანო ფაკულტეტი დაამთავრა. მისი საესტრადო მოღვაწეობა 1956 წლიდან იწყება, და იგი გახლდათ საქართველოს სახელმწიფო საესტრადო ორკესტრის „რერო” და ქართული ვოკალურ-ინსტრუმენტული ანსამბლის ,,ორერა” სოლისტი.
ნანი ბრეგვაძის მიერ შესრულებული ქართველი მსმენელისთვის საყვარელი სიმღერები ჟღერდა ცნობილ ქართულ ფილმებში.
ნანი ბრეგვაძეს მიღებული აქვს მრავალი წოდება და სახელმწიფო ჯილდო. მათ შორის:
– საქართველოს დამსახურებული არტისტი (1968)
– საქართველოს სახალხო არტისტი (1974)
– შოთა რუსთაველის პრემიის ლაურეატი (1998)
– საქართველოს „ღირსების ორდენი“ (1996)
– საქართველოს პრეზიდენტის „ბრწყინვალების ორდენი“ (2010)
– ოქროს მედალი მეცენატობისათვის (2003)
– ოქროს მედალი ხელოვნებაში შეტანილი წვლილისთვის და ა.შ.
2000 წელს თბილისის დიდ საკონცერტო დარბაზთან გაიხსნა ნანი ბრეგვაძის ვარსკვლავი, რაც მისი მიღწევების და ხელოვნებაში შეტანილი წვლილის მტკიცებულებაა.
ნანი ბრეგვაძის მუსიკალური კარიერა მრავალი ათწლეულის განმავლობაში გრძელდებოდა და იგი დღემდე აღიარებულია როგორც ერთ-ერთი ყველაზე გავლენიანი ქართველი მუსიკოსი. მისი ხმა და მუსიკა მრავალი თაობისთვის იყო შთაგონება და სიამაყე.
მასალის გამოყენების პირობები
