შინაგან საქმეთა სამინისტრომ თბილისში ჯგუფურად ჩადენილი ყაჩაღობის ფაქტზე სამი არასრულწლოვანი – 2005 წელს დაბადებული ს.ა., 2006 წელს დაბადებული ლ.ჯ. და დ.ა. – ცხელ კვალზე დააკავა. ინფორმაციას შსს ავრცელებს.
როგორც გამოძიებით დადგინდა, ბრალდებულები ღამის საათებში აირის პისტოლეტის გამოყენებით თავს დაესხნენ 2005 წელს დაბადებულ უცხო ქვეყნის მოქალაქეს – კ.ბ.-ს. იარაღის დემონსტრირებით და სიცოცხლის მოსპობის მუქარით მათ მოსთხოვეს ფულადი თანხა და ძვირადღირებული ნივთები.
სამართალდამცველების ინფორმაციით, არასრულწლოვნებმა კომპიუტერულ ტექნიკასა და სხვადასხვა ძვირადღირებულ ნივთებს უკანონოდ დაეუფლნენ და შემთხვევის ადგილიდან მიიმალნენ.
პოლიციის ოპერატიული ღონისძიებების შედეგად, ს.ა., ლ.ჯ. და დ.ა. მალევე დააკავეს. ამოღებულია დანაშაულის ჩადენის იარაღი და ყაჩაღობით დაუფლებული ნივთები.
გამოძიება საქართველოს სისხლის სამართლის კოდექსის 179-ე მუხლის მე-2 ნაწილის “ბ” ქვეპუნქტით მიმდინარეობს, რაც ჯგუფურად ჩადენილ ყაჩაღობას გულისხმობს და 11-დან 15 წლამდე ვადით თავისუფლების აღკვეთას ითვალისწინებს.
#drpkhakadze #გიორგიფხაკაძე #davidiani #shenitbilisi #აქხარისხია
QR კოდი
სტატიის ციტირება
შენი თბილისი. (2026). პოლიციამ თბილისში მომხდარი ყაჩაღობის ფაქტიზე 3 პირი დააკავა. 3 მარტი, 2026. https://shenitbilisi.ge/პოლიციამ-თბილისში-მომხდა/
