თბილისში აპრილის თვე სავსეა ისტორიული მნიშვნელობით, კულტურული ღონისძიებებით და საგანმანათლებლო შესაძლებლობებით.
ქალაქის ქუჩები ივსება სიცოცხლით, სიწმინდითა და იდეებით.
თუ გაინტერესებს, რა უნდა ნახო და სად უნდა წახვიდე თბილისში აპრილში, ეს სია შენთვისაა.
9 აპრილის ტრაგედია
9 აპრილი საქართველოს უახლეს ისტორიაში ერთ-ერთი ყველაზე მტკივნეული და ამავე დროს ღირსების მომტანი თარიღია.
1989 წლის 9 აპრილს, რუსთაველის გამზირზე, საბჭოთა ძალებმა ძალადობრივად დაშალეს მშვიდობიანი ანტისაბჭოთა დემონსტრაცია. დაიღუპა 21 ადამიანი, ასეულობით დაშავდა.
2025 წლის 9 აპრილს, ტრადიციულად, 9 აპრილის მემორიალთან დაღუპულთა ხსოვნას პატივს მიაგებენ.
დაგეგმილია ყვავილების მიტანა, სანთლების ანთება და მემორიალური სიტყვები.
16 აპრილი – განათლების საერთაშორისო გამოფენა
16 აპრილს თბილისში გაიმართება განათლების საერთაშორისო გამოფენა გაიმართება, რომელიც უმასპინძლებს არაერთ ცნობილ საგანმანათლებლო დაწესებულებას მთელი მსოფლიოდან.
ღონისძიებაზე სტუდენტებს, მშობლებსა და აბიტურიენტებს ექნებათ შესაძლებლობა, პირადად გაესაუბრონ უნივერსიტეტების წარმომადგენლებს და გაიგონ სტიპენდიების, პროგრამებისა და გაცვლითი შესაძლებლობების შესახებ.
ლოკაცია: Sheraton Grand Tbilisi Metechi Palace
დრო: 16:00–20:00
დასწრება: უფასო, რეგისტრაცია სავალდებულოა
მონაწილეები: Bocconi University, IE University, Richmond American University London და სხვა.
18–21 აპრილი – აღდგომის დღეები
აღდგომა აპრილის დასასრულს აღინიშნება და დედაქალაქი განსაკუთრებულად ელის ამ დღეს.
18 აპრილი – წითელი პარასკევი — ტაძრებში აღევლინება სპეციალური მსახურება – გარდამოხსნის წესი.
19 აპრილი – დიდი შაბათი — მოსამზადებელი დღე, მორწმუნეები ემზადებიან აღდგომის ღამისთვის.
20 აპრილი – აღდგომა — ბრწყინვალე დღესასწაული ღამის ლიტურგიებით, სიხარულითა და ტრადიციული სუფრებით.
21 აპრილი – მიცვალებულთა ხსენების დღე — ოჯახები ტრადიციულად სასაფლაოებზე მიდიან, რათა პატივი მიაგონ გარდაცვლილთა ხსოვნას.
აპრილი თბილისში ერთ-ერთი ყველაზე სიმბოლური და ღრმა თვეა. ეს არის დრო, როცა ერთდროულად შეგიძლია შეეხო საქართველოს ისტორიას, მიიღო ახალი ცოდნა და იგრძნო ცოცხალი რწმენის ძალა.
#drpkhakadze #გიორგიფხაკაძე #davidiani #shenitbilisi #აქხარისხია
QR კოდი
სტატიის ციტირება
შენი თბილისი. (2025). რა ხდება თბილისში აპრილში – საუკეთესო ღონისძიებების სია. 4 დეკემბერი, 2025. https://shenitbilisi.ge/რა-ხდება-თბილისში-აპრილშ/
