ვაკის რაიონში მასშტაბური პროექტი, წყნეთის გზატკეცილის სრული რეაბილიტაცია დასრულდა. სამუშაოები თბილისის საკრებულოს თავმჯდომარემ, გიორგი ტყემალაძემ, დედაქალაქის მერთან, კახა კალაძესთან ერთად დაათვალიერა.
რეაბილიტაციას მოიცავდა წყნეთის გზატკეცილის N6-დან ბაგების დასახლებიდან ახალ საავტომობილო ხიდამდე. გიორგი ტყემალაძის თქმით, პროექტი მოსახლეობისა და ქალაქისთვის მნიშვნელოვანი ნაბიჯია უსაფრთხო და კომფორტული მგზავრობის უზრუნველსაყოფად.
პროექტის ფარგლებში, განახლდა მიწისქვეშა კომუნიკაციები — წყალარინების, წყალმომარაგების და გაზმომარაგების ქსელები. მოეწყო ახალი სანიაღვრე სისტემა, გზის სავალი ნაწილი გაგანიერდა, ხოლო უსაფრთხოების მიზნით აშენდა რკინა-ბეტონის კედლები. რეაბილიტირდა ტროტუარები, ხოლო სადაც საჭირო იყო მოეწყო ახალი ტროტუარები.
დამონტაჟდა LED გარე განათების ქსელი, გაიწმინდა საავტომობილო გზა, დაიგო ასფალტის საფარი, მოეწყო უსაფრთხოების კუნძულები, დაიხაზა სავალი ნაწილი და განთავსდა სატრანსპორტო ნიშნები. ასევე, განახლდა საზოგადოებრივი ტრანსპორტის მოსაცდელები და დამონტაჟდა მიწისქვეშა ნარჩენების ურნები.
ტერიტორია გამწვანდა 2 659 ძირი ნარგავის მეშვეობით და 3 200 კვადრატულ მეტრ ფართობზე დაითესა ბალახი. სარწყავი სისტემა დამატებით გააუმჯობესებს გარემოს.
პროექტი ადაპტირებულია შშმ პირებისთვის, რაც უზრუნველყოფს მათ მოსახერხებელ გადაადგილებას. დედაქალაქის ბიუჯეტიდან პროექტისთვის გაწვდილი თანხა 15 მილიონ ლარს შეადგენს.
მასალის გამოყენების პირობები