სემეკმა შპს „ვარკეთილაირის“ ბუნებრივი გაზის განაწილების ლიცენზია გააუქმა – მომხმარებლებისთვის ტარიფი შემცირდება

საქართველოს ენერგეტიკისა და წყალმომარაგების მარეგულირებელმა ეროვნულმა კომისიამ (სემეკ) მიიღო მნიშვნელოვანი გადაწყვეტილება შპს „ვარკეთილაირის“ ბუნებრივი გაზის განაწილების ლიცენზიის გაუქმების შესახებ.

სემეკის საჯარო სხდომაზე იმსჯელეს შპს „ვარკეთილაირის“ ლიცენზიის გაუქმების საკითხზე, რასაც საფუძველი დაედო შპს „თბილისი ენერჯის“ მიერ შპს „ვარკეთილაირის“ 100%-იანი წილის შეძენასა და მთელი აქტივის, მათ შორის გაზგამანაწილებელი ქსელისა და მასთან დაკავშირებული ინფრასტრუქტურის, საკუთრებაში გადატანას.

შპს „ვარკეთილაირის“ 18 200 აბონენტს ახლა შპს „თბილისი ენერჯი“ ემსახურება. ამ დროისთვის, შპს „თბილისი ენერჯისთვის“ დადგენილი ახალი ტარიფი (53,971 თეთრი/კუბ.მ) ჩანაცვლებს „ვარკეთილაირისთვის“ დადგენილ ტარიფს (57,061 თეთრი/კუბ.მ), რაც აბონენტებისთვის ტარიფის შემცირებას ნიშნავს.

შპს „ვარკეთილაირი“ ოპერირებდა ვარკეთილისა და პატარა ლილოს დასახლებებში, სადაც ბუნებრივი გაზის განაწილების ლიცენზიის გაუქმება მნიშნველოვანი ცვლილებაა როგორც მომხმარებლებისთვის, ისე ენერგეტიკული სექტორისთვის. შპს „თბილისი ენერჯი“ განახორციელებს სრულად ამ რეგიონში გაზის განაწილების პროცესებს.

#drpkhakadze #გიორგიფხაკაძე #davidiani #shenitbilisi #აქხარისხია