თბილისში შინაგან საქმეთა სამინისტროს თბილისის პოლიციის დეპარტამენტის რამდენიმე სამსახურის მიერ ჩატარებული ოპერატიულ-საგამოძიებო მოქმედებების შედეგად, ნარკოდანაშაულის ბრალდებით 3 პირი დააკავეს.
დაკავებულებს შორის არიან:
- უცხო ქვეყნის მოქალაქე, 2005 წელს დაბადებული ნ.ს.;
- წარსულში ნასამართლევი, 1996 წელს დაბადებული ვ.ს.;
- 1975 წელს დაბადებული ო.ო.
სამართალდამცველების ინფორმაციით, ისინი ბრალდებულნი არიან განსაკუთრებით დიდი ოდენობით ნარკოტიკული საშუალებების უკანონო შეძენა-შენახვაში, რეალიზაციის მცდელობასა და დიდი ოდენობით ნარკოტიკული მცენარის — კანაფის უკანონო მოყვანაში.
ჩხრეკისას ამოღებულია სხვადასხვა სახის ნარკოტიკული საშუალებები, მათ შორის: მეფედრონი, ბუპრენორფინი, გამომშრალი მარიხუანა და მცენარე კანაფი.
დანაშაული საქართველოს სისხლის სამართლის კოდექსის 260-ე, 19-260-ე ტერცია, 265-ე და 273-ე პრიმა მუხლებით არის კვალიფიცირებული, რაც 20 წლამდე ან უვადო თავისუფლების აღკვეთას ითვალისწინებს.
#drpkhakadze #გიორგიფხაკაძე #davidiani #shenitbilisi #აქხარისხია
