ავარიული საცხოვრებელი სახლების ჩანაცვლების პროგრამის ფარგლებში სამგორში კიდევ ორი ახალი პროექტი დაიგეგმება. ორივე პროექტი მიზნად ისახავს არსებული ავარიული შენობების ჩანაცვლებას თანამედროვე და კომფორტული საცხოვრებელი კორპუსებით.
პირველი პროექტი, დედაქალაქის მთავრობის სხდომაზე განიხილეს, მდებარეობს სამგორის რაიონში, ვარკეთილის დასახლების მე-3 მასივში, შუამთის ქუჩა N40 ა-ში. როგორც თბილისის მერმა აღნიშნა, ამჟამად აღნიშნულ ავარიულ შენობაში 55 ოჯახი ცხოვრობს, რომელთაც დროებით ქირით უზრუნველყოფს თბილისის მერია, სანამ ახალი კორპუსი აშენდება.
ახალი საცხოვრებელი კომპლექსი მოიცავს 22 ავტოსადგომს, ორ კომერციულ ფართსა და 129 საცხოვრებელ ბინას. შემდეგ კი ავარიული კორპუსების მცხოვრებლებს გადაეცემათ გარემონტებული, ახალი ბინები. თბილისის მერმა ასევე წარმოადგინა ვიზუალური მასალები, თუ როგორ იქნება ახალი საცხოვრებელი კორპუსი.
მომდევნო პროექტი, რომელიც პროგრამის ფარგლებში ხორციელდება, მდებარეობს სამგორის რაიონში, რომანოზ ხომლელის ქუჩაზე, კორპუსი N4ა-ში. აღნიშნულ შენობაში 44 ოჯახი ცხოვრობს, რომელთა საცხოვრებელი პირობები კრიტიკულ მდგომარეობაშია. თბილისის მერის განცხადებით, ამ შენობას დემონტაჟი ჩაუტარდება, ხოლო მის ადგილზე აშენდება 12-სართულიანი, თანამედროვე არქიტექტურის მქონე საცხოვრებელი კორპუსი.
მერი მოუწოდებს ყველა იმ მოქალაქეს, ვინც მსგავსი პირობებში ცხოვრობს, იაქტიურონ და მიმართონ რაიონის გამგეობებს, რათა ავარიული შენობების ჩანაცვლების პროგრამაში მიიღონ მონაწილეობა.
#drpkhakadze #გიორგიფხაკაძე #davidiani #shenitbilisi #აქხარისხია
