საბურთალოს რაიონის გამგეობა პეკინის გამზირზე, N33, N35, N37 და N39ა საცხოვრებელი კორპუსების მიმდებარე ტერიტორიაზე, ფართო მასშტაბის რეკრეაციული სივრცის რეაბილიტაციას ახორციელებს. პროექტი მოიცავს 5 000 კვ.მ ფართობზე განთავსებული ყველა შესაბამისი ინფრასტრუქტურის განახლებას მოიცავს.
პეკინის გამზირზე არსებული სივრცის რეაბილიტაციის მიზანია, მოეწყოს სრულიად ახალი, თანამედროვე სტანდარტების შესაბამისი რეკრეაციული ზონა.
„პეკინის გამზირზე რამდენიმე კორპუსს შორის არსებული სივრცის სარეაბილიტაციო სამუშაოები მიმდინარეობს. გვინდა, რომ აღნიშნული სივრცე სრულად მოვაწესრიგოთ – გახდეს უფრო მწვანე და პირველ რიგში, აქ მცხოვრები ადამიანებისთვის, დასვენება და განტვირთვა სასიამოვნო იყოს. პროექტის ფარგლებში, დაირგვება ხე-მცენარეები, საფეხბურთო-საკალათბურთო მოედნებს ჩაუტარდება რეაბილიტაცია, ასევე, მოეწყობა მოსასვენებელი პავილიონები, საპარკინგე სივრცეები და განათების სისტემა. სამუშაოებს, დაახლოებით, სამი თვე დასჭირდება და ძალიან სასიამოვნო გარემო შეიქმნება. მიხარია, რომ ქალაქის ცენტრში ასეთი სივრცე გამოყენებული იქნება რეკრეაციისთვის“, – განაცხადა დედაქალაქის მერმა, კახა კალაძემ.
პროექტის ფარგლებში განხორციელდება რამდენიმე მნიშვნელოვანი ეტაპი. განახლდება საფეხბურთო და კალათბურთის მოედნები, მოწესრიგდება სათამაშო და საბავშვო გასართობი ზონები, განთავსდება საბავშვო ტრენაჟორები, მოეწყობა სარწყავი სისტემა და მიწის გამწვანების სამუშაოები. ტერიტორიაზე დაირგვება 500-მდე სხვადასხვა ჯიშის ხე-მცენარე, დაიგება რულონური ბალახი.
პროექტის ჯამური ღირებულება შეადგენს 1 500 000 ლარს. სამუშაოებს ახორციელებს გამგეობის კონტრაქტორი კომპანია „მონოლითი 2005“. სამუშაოები დაახლოებით სამი თვის განმავლობაში დასრულდება.
შენი კალკულატორი, გამოიყენეთ ეს კალკულატორი თქვენი სხეულის მასის ინდექსის (BMI) შესამოწმებლად
კალკულატორი – მიუთითე სქესი და სიმაღლე და გაიგე შენი იდეალური წონა
#drpkhakadze #გიორგიფხაკაძე #davidiani #shenitbilisi #აქხარისხია
