თბილისის მერის მოადგილემ, ანდრია ბასილაიამ, დედაქალაქში ჯანდაცვისა და სოციალური მხარდაჭერის პროგრამებზე განხორციელებულ მნიშვნელოვან ხარჯებსა და შედეგებზე ისაუბრა.
ბასილაიას განცხადებით, თბილისის ათივე რაიონის გამგეობამ ამ მიმართულებით 400 მილიონ ლარამდე დახარჯა და ჯანდაცვისა და სოციალური მომსახურებით დაახლოებით 1.5 მილიონ ადამიანს გაუწია დახმარება.
ძირითადი მიმართულებები, რომლებიც დაფინანსდა:
- უფასო სასადილოები — მოქმედებს ყველა რაიონში, მოიცავს 42 000 ბენეფიციარს, ჯამური დაფინანსება 180 მილიონ ლარს შეადგენს
- ფინანსური დახმარებები ფორსმაჟორის დროს — ერთჯერადი მიზნობრივი დახმარება მოქალაქეებისთვის
- ქირით უზრუნველყოფის პროგრამა — უკვე ისარგებლა 15 000-მდე ოჯახმა, ბიუჯეტი: 55 მილიონი ლარი
- კუთვნილი ფართების დაკანონება — 2017 წლიდან რეგისტრირებულია 3 000-ზე მეტი ოჯახი
- კოოპერატიული ბინათმშენებლობის პროგრამა — დაკმაყოფილდა 2 500-მდე პირი, პროგრამის ფარგლებში გაცემულია 150 000 მ²-ზე მეტი ფართი
- უსახლკაროთა პროგრამა — პირველადი ეტაპი მოიცავდა 355 ოჯახს, მეორე ეტაპი აქტიურად მიმდინარეობს
„დაკანონება იყო მნიშვნელოვანი მიმართულება, რაზეც 2017 წლიდან გამგეობებმა და თბილისის ქონების მართვის სააგენტომ დაიწყო მუშაობა. დღეს 3 000-ზე მეტ ოჯახს დაურეგისტირდა კუთვნილი ფართები. კოოპერატიული ბინათმშენებლობაც იყო წლების განმავლობაში თაროზე შემოდებული პრობლემა. შევიმუშავეთ კონკრეტული კრიტერიუმი და რიგითობით დაკმაყოფილდა 2 500-მდე პირი, დარჩენილია 1 000, რომელსაც ახლო მომავალში დაუკმაყოფილდება მოთხოვნა. ამ მიზნით, მუნიციპალიტეტის მიერ 150 000 მ2-მდე არის გაცემული. რაც შეეხება უსახლკაროთა პროგრამას, პირველადი რეგისტრაცია გაიარა 355-მა ოჯახმა, რაც სრულად დაკმაყოფილდა. ახლა მეორე ეტაპი მიმდინარეობს, 2022 წლიდან დღემდე დარეგისტირებული ოჯახების დაკმაყოფილება“, – აღნიშნა ანდრია ბასილაიამ.
#drpkhakadze #გიორგიფხაკაძე #davidiani #shenitbilisi #აქხარისხია
