თბილისის უძრავი ქონების ბაზარი ბოლო წლების განმავლობაში ერთ-ერთ ყველაზე დინამიკურ და ცვალებად სექტორად იქცა. მიუხედავად ზოგადი ეკონომიკური რყევებისა, საცხოვრებელი ბინების მიმართ ინტერესი ისევ მაღალია, ხოლო ზოგ უბანში განსაკუთრებით სწრაფად იმატებს ფასი.
უძრავის ქონების შესახებ ბოლო კვლევების ანალიზი აჩვენებს, რომ გარკვეულ უბნებში ფასმა ე.წ. პიკურ მაჩვენებელს მიაღწია. მაგალითად, ტრადიციულად ყველაზე პრესტიჟულ და მოთხოვნად უბნებში (ვაკე, ვერა, მთაწმინდა, საბურთალოს ცენტრი), ბოლო წლების განმავლობაში ფასების ზრდა ფიქსირდებოდა, თუმცა aხლა დასტაბილურდა და მისი ზრდა მომავალში მოსალოდნელი არაა.
რაც შეეხება ე.წ ზრდად უბნებს, სადაც ფასი ჯერ კიდევ საშუალო ნიშნულზეა, მოთხოვნა მზარდია.
ამ ეტაპზე ასეთ ლოკაციებად ფიქსირდება 3 მიმართულება:
1. ლისის ტბის მიმდებარე ტერიტორია
2. ორთაჭალა-კრწანისის ზონა
3. დიდი დიღომი
სავარაუდოდ, ფასების ზრდა უახლოეს წლებში ყველაზე თვალსაჩინო სწორედ ამ ლოკაციებზე იქნება. ამ უბნებში ერთმანეთს ერთიანად ერწყმის ინფრასტრუქტურული განვითარება, ახალი გზების მშენებლობა, ეკოლოგიური მდგომარეობა და მყიდველთა მზარდი ინტერესები.
1. ლისის ტბის მიმდებარე ტერიტორია – ქალაქის ახალი პრესტიჟული ზონა ლისის ტბის გარშემო განვითარება უკვე აღარ არის მხოლოდ ელიტური პროექტების საქმე – ის თანდათან იქცევა ქალაქის ახალ საცხოვრებელ ცენტრად. მთავარი ფაქტორი, რაც ამ უბნის ფასებს ზრდის, არის გარემოს სისუფთავე, ბუნებრივი ლანდშაფტი და ინფრასტრუქტურული ბალანსი: ქალაქის ცენტრთან ახლოს, მაგრამ ხმაურისა და საცობებისგან მოშორებით. ბოლო წლებში ლისის გარშემო აშენდა თანამედროვე კომპლექსები, სადაც ბინებს მაღალი ენერგოეფექტურობა, კეთილმოწყობილი ეზოები და ეკოლოგიური სტანდარტები აქვთ. აქ ცხოვრება თანაბრად მოსახერხებელია როგორც ოჯახებისთვის, ისე ახალგაზრდებისთვის.
ასევე, იგეგმება ლისის მიმდებარედ რეკრეაციული ზონის და ინფრასტრუქტურის განვითარება, რაც ამ ტერიტორიაზე ტრანსპორტით გადაადგილებას გაამარტივებს. რეალტორების თქმით, ახლად აშენებულ კომპლექსებში კვადრატული მეტრის ფასი უკვე 1600-დან 2000 დოლარის ფარგლებშია, ხოლო მომდევნო ორ წელიწადში შესაძლოა, 10–15 %-ით მოიმატოს.
2. ორთაჭალა-კრწანისი – ძველი თბილისის ძვირად ღირებული გაგრძელება თბილისის ისტორიულ ნაწილთან ახლოს მდებარე ორთაჭალა და კრწანისი სულ უფრო იძენს პრემიუმ უბნის სტატუსს. ამ ზონას აქვს ორი დიდი უპირატესობა – პანორამული ხედები ქალაქზე და მაღალი ხარისხის ახალი საცხოვრებელი პროექტები. განსაკუთრებით აქტიურია მშენებლობა ორთაჭალის მიმართულებით, სადაც ბინების ფასი ბოლო ორ წელიწადში საშუალოდ 15-20%-ით გაიზარდა. ორთაჭალა დღეს ერთ-ერთ ყველაზე პერსპექტიულ უბნად იქცა, სადაც თანაბრად იგრძნობა ძველი თბილისის ატმოსფერო და ახალი ურბანული განვითარების ტემპი. უბანი, რომელიც წარსულში ინდუსტრიულ ზონად ითვლებოდა, ბოლო წლებში აქტიურად გარდაიქმნება თანამედროვე საცხოვრებელ კვარტლად.
რაც შეეხება კრწანისის მიმართულებას, ინვესტორები მას როგორც ახალ „ვაკე 2“-ს უწოდებენ – პრესტიჟული, თუმცა უფრო თანამედროვე ინფრასტრუქტურით.
ორთაჭალა-კრწანისის მთავარი უპირატესობები:
- სტრატეგიული მდებარეობა:მდებარეობს ქალაქის ცენტრთან ახლოს, მაგრამ ხმაურისა და დატვირთული მოძრაობისგან მოშორებით. ქალაქის გულამდე (რუსთაველის, ავლაბრის ან თავისუფლების მოედნამდე) 10–15 წუთში მისვლა შესაძლებელია, რაც ამ უბანს იდეალურს ხდის ცენტრალური სამუშაო ადგილების მქონე ოჯახებისთვის.
- პანორამული ხედები და ბუნებრივი გარემო:უბანი მაღლობზეა განლაგებული, საიდანაც იშლება ხედები. ამ უბანში მეტია მწვანე ზონები და სუფთა ჰაერი, რაც თბილისში უკვე იშვიათი ფუფუნებაა.
- პრემიუმ კლასის საცხოვრებელი კომპლექსები:ბოლო წლებში აქ შენდება ისეთი პროექტები, რომლებიც გათვლილია მაღალი კომფორტის მომხმარებლებზე – ენერგოეფექტური შენობები, დახურული ეზოები, სპორტული და გამაჯანსაღებელი ზონები, concierge-სერვისები. ეს უბანს ელიტურ იმიჯს სძენს.
- მაღალი ქირავნობის პოტენციალი: ზემოთ ხსენებული მიზეზების გამო, ამ უბნებში მუდმივი მოთხოვნაა სტაბილურ ქირავნობაზე. ინვესტორებისთვის ეს ნიშნავს გრძელვადიან, პროგნოზირებად შემოსავალს.
- ინფრასტრუქტურის განვითარება:ბოლო წლებში აშენდა ახალი გზები – ორთაჭალაში დაემატა ახალი ესტაკადა, რამაც განტვირთა ძველი გზა. ამ მხარეს აშენდა რესტორნები, სკვერები და სავაჭრო სივრცეები. იგეგმება ახალი საერთაშორისო პროექტების განხორციელება, რაც უბანს კიდევ უფრო მიმზიდველს გახდის.
- ტურისტული პოტენციალი:ახლოსაა აბანოთუბანი, ძველი თბილისი და ტურისტული მარშრუტები. ბევრი უცხოელი მყიდველი ამ უბანს ირჩევს როგორც ბინას საცხოვრებლად და საინვესტიციო ობიექტს ერთდროულად.
- უძრავი ქონების მზარდი ღირებულება:ბოლო სამი წლის მონაცემებით, ორთაჭალაში ბინების ფასი საშუალოდ 15-20%-ით გაიზარდა, ხოლო premium class-ის პროექტებში კიდევ უფრო მეტ, 20-25 %-იან ზრდას პროგნოზირებენ.
3. დიდი დიღომი — მასშტაბური ზრდის უბანი
დიდი დიღომი უკვე რამდენიმე წელია ყველაზე სწრაფად მზარდი საცხოვრებელი ზონაა როგორც მოსახლეობის რაოდენობით, ისე ახალი პროექტებით. თუ წარსულში დიღომი ასოცირდებოდა ბიუჯეტურ საცხოვრებელთან, დღეს ვითარება მკვეთრად იცვლება: იქ ჩნდება დაგეგმილი უბნები, თანამედროვე სკოლები, სავაჭრო ცენტრები და ახალი გზები.
უძრავი ქონების ექსპერტები აღნიშნავენ, რომ დიღომში მიმდინარე ინფრასტრუქტურული ბუმი და მიწის ფასი ქმნის რეალურ შესაძლებლობას, რომ უახლოეს წლებში ბინების ღირებულება კიდევ 20–25%-ით გაიზარდოს. ამასთან, იქ უკვე ჩნდება ბიზნეს-კლასის კომპლექსები, გამწვანებული ქუჩები და სპორტული სივრცეები, რაც უბნის იმიჯს ამაღლებს და ახალ მყიდველებს იზიდავს.
მიუხედავად იმისა, რომ თბილისი ყოველწლიურად ფართოვდება, უძრავი ქონების ფასის ზრდა თანაბრად არ ხდება. ლისის არეალი თავისი ეკოლოგიური და ელიტური ხასიათით, ორთაჭალა-კრწანისი ისტორიულ და თანამედროვე ელემენტთა შერწყმით, და დიდი დიღომი, როგორც სწრაფად განვითარებადი საცხოვრებელი ზონა – სამივე წარმოადგენს განსხვავებულ, მაგრამ ერთნაირად მომგებიან მიმართულებას მყიდველებისა და ინვესტორებისთვის.
მეტი საინტერესო ინფორმაციისთვის ეწვიეთ sheniambebi.ge-ს.
#drpkhakadze #გიორგიფხაკაძე #davidiani #shenitbilisi #აქხარისხია
