2025 წლის ნოემბერში საქართველოს სასტუმროს ფასების ინდექსი წლიურად 4.2%-ით შემცირდა, ამის შესახებ ინფორმაციას PMC კვლევითი ცენტრი აქვეყნებს.
ორგანიზაციის მონაცემებით, წელს საანგარიშო პერიოდში ყველაზე დიდი კლება დაფიქსირდა იმერეთში, კახეთსა და სამეგრელო-ზემო სვანეთში. ოთახის საშუალო ფასი კი 2025 წლის ნოემბერში 101 ლარიდან 390 ლარამდე მერყეობდა.
„2025 წლის ნოემბერში სასტუმროების საშუალო ფასმა საოჯახო ტიპის სასტუმროებში 101 ლარი შეადგინა, 3-ვარსკვლავიან სასტუმროებში – 144 ლარი, ხოლო 4-ვარსკვლავიან სასტუმროებში – 218 ლარი.
ნოემბერში საქართველოში 5-ვარსკვლავიანი სასტუმროების საშუალო ფასი იყო 390 ლარი. ყველაზე მაღალი საშუალო ფასები დაფიქსირდა თბილისში – 531 ლარი, კახეთში – 451 ლარი და შიდა ქართლში – 449 ლარი.
2025 წლის ნოემბერში 3-, 4- და 5-ვარსკვლავიანი სასტუმროების ფასების ინდექსი 7.5%-ით შემცირდა წინა თვესთან შედარებით, ხოლო საოჯახო ტიპის სასტუმროების ფასების ინდექსი – 3.0%-ით. მთლიანობაში, 2025 წლის ნოემბერში სასტუმროს ფასების ინდექსი 5.9%-ით შემცირდა 2025 წლის ოქტომბერთან შედარებით.
2025 წლის ნოემბერში 3-, 4- და 5-ვარსკვლავიანი სასტუმროების ფასების ინდექსი 1.8%-ით შემცირდა წინა წელთან შედარებით, ხოლო საოჯახო ტიპის სასტუმროების ფასების ინდექსი – 5.2%-ით. მთლიანობაში, 2025 წლის ნოემბერში სასტუმროს ფასების ინდექსი 4.2%-ით შემცირდა 2024 წლის ნოემბერთან შედარებით”, – წერია PMCG-ის კვლევაში.
მეტი საინტერესო ინფორმაციისთვის ეწვიეთ sheniambebi.ge-ს.
#drpkhakadze #გიორგიფხაკაძე #davidiani #shenitbilisi #აქხარისხია
