თბილისის დიდ საკონცერტო დარბაზში მომღერალ თამარ გვერდწითელის სოლო კონცერტი გაიმართა, სახელწოდებით „ეს სიმღერაა საქართველოსი“. ღონისძიება საქართველოს კულტურის სამინისტროს მხარდაჭერით ჩატარდა.
კონცერტს უძღვებოდა თეატრმცოდნე ნიკოლოზ წულუკიძე, ხოლო სცენაზე თამარ გვერდწითელთან ერთად გამოჩნდნენ:
- მომღერალი ანრი ჯოხაძე,
- ახალგაზრდული კაპელა მეკო ქავთარაძის ხელმძღვანელობით,
- დავით მაზანაშვილის ქალთა კამერული ორკესტრი და ბენდი.
საღამოს ესწრებოდნენ საქართველოს კულტურის მინისტრი თინათინ რუხაძე და მინისტრის პირველი მოადგილე მაკა გურგენიძე.
ღონისძიების დასრულების შემდეგ თინათინ რუხაძემ მადლობა გადაუხადა თამარ გვერდწითელს და კონცერტში მონაწილე შემსრულებლებს, წარმატება უსურვა მათ შემოქმედებით საქმიანობაში და აღნიშნა კონცერტის მაღალი ხარისხი და ემოციური დატვირთვა.
#drpkhakadze #გიორგიფხაკაძე #davidiani #shenitbilisi #აქხარისხია
