შინაგან საქმეთა სამინისტროს განცხადებით, თბილისის პოლიციის დეპარტამენტის საგამოძიებო მთავარი სამმართველოს, დიდუბე-ჩუღურეთის და ისანი-სამგორის მთავარი სამმართველოების თანამშრომლებმა სხვადასხვა ლოკაციაზე ერთდროულად ჩატარებული ოპერატიულ-საგამოძიებო ღონისძიებების შედეგად, ნარკოტიკული საშუალებების უკანონო შეძენა-შენახვისა და გასაღების მცდელობის ბრალდებით ოთხი პირი დააკავეს.
დაკავებულები არიან:
- 1994 წელს დაბადებული ს.ვ.
- 2006 წელს დაბადებული დ.შ.
- 2006 წელს დაბადებული ა.კ.
- 1979 წელს დაბადებული ჰ.ა., რომელიც წარსულში არაერთხელ ყოფილა ნასამართლევი.
შსს-ს ცნობით, სამართალდამცველებმა ჩხრეკა ჩაატარეს როგორც დაკავებულების საცხოვრებელ სახლებში, ისე მათ მიერ მითითებულ მისამართებზე, საიდანაც ნივთმტკიცების სახით ამოიღეს:
- “ჰეროინი”
- “მარიხუანა”
- “ტრამადოლი”
- ფსიქოტროპული ნივთიერებები
- ელექტრონული სასწორი
დანაშაულები საქართველოს სისხლის სამართლის კოდექსის 260-ე, 261-ე, 273-ე, 273-ე პრიმა და 19-273-ე პრიმა მუხლებით კვალიფიცირდება, რაც 8 წლამდე ვადით თავისუფლების აღკვეთას ითვალისწინებს.
#drpkhakadze #გიორგიფხაკაძე #davidiani #shenitbilisi #აქხარისხია
