თბილისში, დიდუბის რაიონში, აგლაძის ქუჩაზე (N38) რეკრეაციული სივრცე განახლდა. პროექტი დედაქალაქის მერმა კახა კალაძემ, მოადგილეებთან, ირაკლი ბენდელიანთან და კახა გულედანთან ერთად დაათვალიერა.
5,000 კვ. მეტრი ტერიტორია საცხოვრებელ კორპუსებს შორის განთავსდა და კაპიტალურად რეაბილიტირდა. განახლების პროცესში ჩატარდა მნიშვნელოვანი სამუშაოები: პარკის ინფრასტრუქტურა, საპარკე ინვენტარი და შადრევანი. ახალი სივრცე სპეციალურად მოეწყო როგორც დასასვენებლად, ასევე აქტიური გართობისთვის.
როგორც კახა კალაძემ აღნიშნა, პროექტის ფარგლებში გაკეთდა სარწყავი სისტემა, დაირგო ხე-მცენარეები, მოეწყო საბავშვო ატრაქციონები და დასასვენებელი ზონები. განსაკუთრებული ყურადღება დაეთმო ძაღლების სასეირნო სივრცეს, რომელიც სპეციალურად შემოღობილია.
„დაახლოებით ნახევარი ჰექტარი ტერიტორია მოწესრიგებული და განახლებულია. ამ პროექტის ფარგლებში გაკეთდა სარწყავი სისტემა, დაირგო ხე-მცენარეები, მოეწყო დასასვენებელი სივრცე და საბავშვო ატრაქციონები, ძაღლების სასეირნო სივრცე, რომელიც შემოღობილია, ძალიან სასიამოვნო გარემოა დასვენებისთვის და გართობისთვის“, – განაცხადა კახა კალაძემ.
პროექტის ჯამური ღირებულება 1,644,444 ლარს შეადგენს, რომელიც დიდუბის რაიონის გამგეობის ბიუჯეტიდან დაიხარჯა.
მასალის გამოყენების პირობები
