თბილისში, 65 დევნილ ოჯახს თანამედროვე სტანდარტების მიხედვით აშენებულ, სრულად გარემონტებულ საცხოვრებელ კორპუსში ბინები გადაეცა. მათ სახლის გასაღებები ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრმა, მიხეილ სარჯველაძემ, პირადად გადასცა.
მინისტრმა აღნიშნა, რომ დევნილთათვის ღირსეული საცხოვრებელი პირობების შექმნა მთავრობის ერთ-ერთი უმთავრესი პრიორიტეტია. მან ახალი საცხოვრებელი პირადად დაათვალიერა და ოჯახების საცხოვრებელ პირობებს გაეცნო.
ახალი კორპუსი, რომელიც თბილისში, ვიქტორ კუპრაძის ქუჩაზე მდებარეობს, შეიძინეს დევნილთა, ეკომიგრანტთა და საარსებო წყაროებით უზრუნველყოფის სააგენტოს მიერ კერძო სამშენებლო კომპანიისგან, რაც მიზნად ისახავს იძულებით გადაადგილებული ოჯახების განსახლებას.
ღონისძიებას ასევე ესწრებოდნენ აფხაზეთის მთავრობის თავმჯდომარე ლევან მგალობლიშვილი, მინისტრის მოადგილე გიორგი ცაგარეიშვილი და სხვა მნიშვნელოვანი პირები, მათ შორის, სამშენებლო კომპანიის წარმომადგენლები.
დევნილი ოჯახების საცხოვრებლით უზრუნველყოფის მიზნით, ქვეყნის მასშტაბით მიმდინარე სამშენებლო პროექტები ითვალისწინებს საცხოვრებელი კომპლექსების მშენებლობას ხუთ ქალაქში. თბილისში, ამ ეტაპზე, 11 კორპუსის მშენებლობა მიმდინარეობს, რაც 2,400 ოჯახისთვის უზრუნველყოფს ახალ საცხოვრებლებს.
ინფორმაციას ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტრო ავრცელებს.
