ცხოველთა მონიტორინგის სააგენტო 23 მაისიდან იწყებს პატრონიანი ცხოველების მოვლა-პატრონობის წესების შემოწმებას თბილისში. ინიციატივა მიზნად ისახავს შინაური ცხოველების კეთილდღეობის ამაღლებასა და მეპატრონეთა ცნობიერების ზრდას.
როგორც სააგენტოს ხელმძღვანელმა გიორგი კობიაშვილმა პრესკონფერენციაზე განაცხადა, პროგრამა „კარდაკარის“ ფორმატით განხორციელდება — სპეციალურად გაწერილი მარშრუტის მიხედვით, სააგენტოს თანამშრომლები ბინებიდან ბინამდე იმოძრავებენ და შეამოწმებენ:
- ცხოველის ჩიპირებულობასა და რეგისტრაციას
- სტერილიზაცია/კასტრაციის ჩატარებას
- ვაქცინაციის სტატუსს
- ცხოველის მოვლისა და პირობების სტანდარტებს
კობიაშვილის განმარტებით, პროგრამა არ შეეხება მიუსაფარ ცხოველებს ან მათი დროებითი მიმკედლებლების ბინებს, არამედ მხოლოდ იმ პირებს, ვინც ცხოველს მუდმივად ფლობს.
განსაკუთრებული აქცენტი გაკეთდება რეგისტრაციაზე და იდენტიფიკაციაზე, რისთვისაც სააგენტო მოქალაქეებს ადგილზე ცხოველების „ჩიპირებას“ და რეგისტრაციასაც შესთავაზებს. ჩიპის ღირებულება — 19 ლარი — მეპატრონეს მიერ ანაზღაურდება.
დარღვევების შემთხვევაში პირველ ეტაპზე მხოლოდ გაფრთხილება შედგება, განმეორებისას კი მეპატრონე დაექვემდებარება დაჯარიმებას თბილისის საკრებულოს დადგენილების შესაბამისად. ასევე, შეიქმნება სპეციალური ელექტრონული ბაზა, სადაც ჩაიწერება ყველა დარღვევა, მარშრუტი და შემდგომი კონტროლის შედეგები.
პროექტი 2024 წლის ბოლომდე გაგრძელდება და მისი მიზანია თბილისელ მეპატრონეთა რეგისტრაცია, მონიტორინგი და ცხოველთა უფლებების დაცვა სტანდარტების მიხედვით.
#drpkhakadze #გიორგიფხაკაძე #davidiani #shenitbilisi #აქხარისხია
