2025 წლის 10 თებერვლიდან 15 მარტის ჩათვლით ,ქოლგა თბილისი ფოტოს ფარგლებში საერთაშორისო ფოტოკონკურსი „ქოლგა“ მიმდინარეობს. კონკურსის გამარჯვებულებს ტრადიციულად საერთაშორისო ჟიური გამოავლენს.
კონკურსის ნომინაციები 2025 წელს:
- დოკუმენტური სერია
- რეპორტაჟი
- კონცეპტუალური ფოტოპროექტი
- საუკეთესო ერთი კადრი (Single Image)
- მობილური ფოტო
კონკურსში ასევე დაშვებულია ხელოვნური ინტელექტის გამოყენებით შექმნილი პროექტების მონაწილეობაც კონცეპტუალურ სერიაში.
ჟიურის წევრები:
– ნაიჯელ დიკინსონი (დიდი ბრიტანეთი)
– თინა შელჰორნი (გერმანია)
– ვოლფგანგ ცურბორნი (გერმანია)
– რიჩარდ ბრამი (აშშ)
– დინა ოგანოვა (საქართველო)
– ვინს ჩიანი (აშშ)
საპრიზო ფონდი*: 6000 დოლარი
პირველ სამ ნომინაციაში გამარჯვებულებს 1500-1500 დოლარი გადაეცემათ. საუკეთესო ერთი კადრის ნომინაციაში გამარჯვებულს 1000 დოლარი, ხოლო მობილური ფოტოს ნომინაციაში გამარჯვებულს – 500 დოლარი.
„ქოლგა თბილისი ფოტო“ 2025 წლის გამარჯვებულებს 2 მაისს გამოაცხადებს, ხოლო 2 მაისიდან დაიწყება გამოფენები, რომლებიც როგორც ადგილობრივ, ასევე საერთაშორისო პუბლიკას გააცნობს ფოტოგრაფიის უახლეს მიღწევებს.
#drpkhakadze #გიორგიფხაკაძე #davidiani #shenitbilisi #აქხარისხია
