თბილისში მომხდარი დაჭრის ფაქტზე შინაგან საქმეთა სამინისტროს თბილისის პოლიციის დეპარტამენტის ვაკე-საბურთალოს მთავარი სამმართველოს თანამშრომლებმა, ცხელ კვალზე ჩატარებული ოპერატიულ-საგამოძიებო ღონისძიებების შედეგად, 1984 წელს დაბადებული ი.ე. დააკავეს.
შსს-ს ინფორმაციით, გამოძიებით დადგინდა, რომ ბრალდებულმა ურთიერთშელაპარაკების ნიადაგზე, დაწყებული კონფლიქტის დროს, ორი მოქალაქე — 1982 წელს დაბადებული რ.ს. და 1984 წელს დაბადებული მ.ღ. ცივი იარაღით დაჭრა. თავდამსხმელი შემთხვევის ადგილიდან მიიმალა, თუმცა სამართალდამცველებმა იგი მალევე ცხელ კვალზე დააკავეს.
დაშავებულები გადაყვანილი არიან სამედიცინო დაწესებულებაში.
საქმეზე გამოძიება მიმდინარეობს საქართველოს სისხლის სამართლის კოდექსის 117-ე მუხლის მე-3 ნაწილის “მ” ქვეპუნქტით, რაც ორი ან ორზე მეტი პირის მიმართ ჯანმრთელობის განზრახ მძიმე დაზიანებას გულისხმობს და 9-დან 13 წლამდე თავისუფლების აღკვეთას ითვალისწინებს.
#drpkhakadze #გიორგიფხაკაძე #davidiani #shenitbilisi #აქხარისხია
