რეგიონში ერთ-ერთი ყველაზე მასშტაბური საერთაშორისო სახელოვნებო ღონისძიება “თბილისის კულტურის
კვირეული” Factory Tbilisi-ში 9-12 მაისს გაიმართება.
თანამედროვე ხელოვნების სივრცედ გარდაქმნილი ყოფილი
კოკა-კოლას ქარხანა კიდევ ერთხელ უმასპინძლებს მსგავსი მასშტაბის ღონისძიებას. Factory Tbilisi-ს
დანიშნულება თანამედროვე ქართული და საერთაშორისო კულტურის პოპულარიზაციაში ზუსტად ეხმიანება
Culture Week Tbilisi-ის კონცეფციას.
კვირეული ფართო აუდიტორიისთვის 9 მაისს 19:00 საათიდან გაიხსნება
და 12 მაისი ჩათვლით უმასპინძლებს ვიზიტორებს. “თბილისის კულტურის კვირეულის“ წლევანდელი სეზონი
ეძღვნება ევროპის დღეებს და მიზნად ისახავს ქართული ისტორიის და ხელოვნების საერთაშორისო ცნობადობის ამაღლებას.
Culture Week Tbilisi, აერთიანებს ხელოვანებს, მხატვრებს, მუსიკოსებს, კინორეჟისორებს, ასევე პრესის და
ხელოვნების სფეროს გავლენიან წარმომადგენლებს. 50-მდე საერთაშორისო სტუმარი, სპეციალურად ამ
ღონისძიებისთვის მსოფლიოს თითქმის ყველა ქვეყნიდან, კვირეულის გასაშუქებლად ეწვევიან – Forbes USA, The
Guardian, SouthChina Morning Post, Washington Post, Elle Japan, madame Figaro Japan, GQ Japan.
ამასთან ერთად სტუმრებს შესაძლებლობა ექნებათ იხილონ ქართველი და საერთაშორისო არტისტების
ნამუშევრები, კურირებული გამოფენები და უკეთესად გაეცნონ ქართულ კულტურას, ხელოვნებას, დაესწრონ
კინოჩვენებებს, კონცერტებს და მრავალფეროვან პროგრამას.
“თბილისის კულტურის კვირეულში“ წელს 30-ზე მეტი ადგილობრივი და საერთაშორისო არტისტი მიიღებს
მონაწილეობას. მათი ნამუშევარი Factory Tbilisi-ს სხვადასხვა საგამოფენო სივრცეებში იქნება წარდგენილი.
“თბილისის კულტურის კვირეულის“ ამ პერიოდის ფარგლებში დაგეგმილი ღონისძიებების შესახებ ინფორმაცია
იხილეთ პროგრამაში.
საგამოფენო სივრცე ფართო აუდიტორიისთვის ღია იქნება 9 მაისს 19:00-დან 22:00 საათამდე, 10-12 მაისს კი
12:00 საათიდან 21:00 საათამდე.
„Culture Week Tbilisi“- ს პარტნიორები არიან: Coca-Cola, McDonalds საქართველო, m², Mastecard, SOLO,
PSP, Uber Black, Caparol, Aptos, Zoommer, Philip Martin’s Georgia, The Makeup Institute Georgia.
მასალის გამოყენების პირობები
