თბილისის მერია – აღმაშენებლის ხეივანზე, ჰიპერმარკეტ „გუდვილის“ მიმდებარედ არსებულ ხიდზე მოძრაობა შეიზღუდება
თბილისის მერია გაცნობებთ, რომ აღმაშენებლის ხეივანში, ჰიპერმარკეტ „გუდვილის“ მიმდებარედ არსებულ ხიდზე, დაგეგმილია სადეფორმაციო ნაკერების სარეაბილიტაციო სამუშაოები.
სარეაბილიტაციო სამუშაოების გამო, 2024 წლის 2 აგვისტოდან ორი კვირის განმავლობაში, ხიდზე საავტომობილო მოძრაობა ნაწილობრივ შეიზღუდება.
„თბილისის მერია ბოდიშს გიხდით, მოძრაობის შეზღუდვის და შექმნილი დისკომფორტისთვის“, – ნათქვამია მერიის ინფორმაციაში.
