„გალერია თბილისი“ ამჟამად სრული დატვირთვით მუშაობს და მისი მენეჯმენტის ინფორმაციით, სავაჭრო ცენტრში არცერთი გასაქირავებელი ფართი არ არის დარჩენილი. ძირითადად წარმოდგენილია საერთაშორისო ბრენდები, რომლებიც საქართველოს ბაზარზე შემოსვლით ინტერესდებიან, თუმცა დიდი მოთხოვნაა ადგილობრივი ბრენდების მხრიდანაც.
„გალერია თბილისი“ მას სხვა სავაჭრო ცენტრებისგან თავისი შედარებით მცირე ფართობის გამო განასხვავებს. ამიტომ ხშირად უწევს უარის თქმა ბრენდებისთვის, რადგან სივრცე აღარ არის ხელმისაწვდომი. ამასთან, მათთვის არსებობს ე.წ. „მომლოდინეთა სია“, რომელშიც ახალი სავაჭრო ადგილების განთავისუფლების შემთხვევაში უკავშირდებიან.
საიჯარო ფასების საკითხთან დაკავშირებით, მენეჯმენტი აღნიშნავს, რომ მაღალი მოთხოვნის გამო, გასულ წლებთან შედარებით საიჯარო ფასები 10%-ით არის გაზრდილი. თუმცა, მათივე განცხადებით, ქართული სტარტაპებისა და კომპანიებისთვის შეღავათები არ განიხილება, რადგან ადგილობრივ კომპანიებს არ ჰქონიათ პრობლემა სტენდების განთავსებასთან დაკავშირებით. პირიქით, როდესაც ადგილი თავისუფლდება, მათთან მოლაპარაკება სწრაფად ხორციელდება.
ამავე დროს, „გალერია თბილისი“ დიდი მოლოდინით ელის ნოემბრის ბოლოს მოსალოდნელ შავი პარასკევის პერიოდის განმავლობაში ზრდას. 30 ნოემბრიდან 1 დეკემბრამდე კი სავაჭრო ცენტრი აღნიშნავს თავის დაბადების დღეს, სადაც მომხმარებლებს ულიმიტო 30%-იანი ქეშბექის შეთავაზება ექნებათ.
