საქართველოს რკინიგზა 11 თებერვლიდან მოსახლეობას მგზავრობის ახალ გამოცდილებას სთავაზობს. თბილისი-ოზურგეთი-თბილისის მიმართულებით, სწრაფი და კომფორტული ელექტრომატარებელი იმოძრავებს, რომელიც რეისებს დღეგამოშვებით შეასრულებს.
ახალი ელექტრომატარებელი №854/853 იმოძრავებს, რაც მგზავრებისთვის მნიშვნელოვან უპირატესობას წარმოადგენს. მისი ტევადობა დაახლოებით 100 ადგილით გაიზრდება, ხოლო მგზავრობის ხანგრძლივობა თითქმის 2 საათით შემცირდება.
„გაცნობებთ, რომ 2025 წლის 11 თებერვლიდან თბილისი-ოზურგეთი-თბილისის მიმართულებით სწრაფი და კომფორტული ელექტრომატარებელი (№854/853) იმოძრავებს. სამგზავრო მატარებლის ტევადობა დაახლოებით 100 ადგილით გაიზრდება, ხოლო მგზავრობის ხანგრძლივობა თითქმის 2 საათით შემცირდება.
მატარებელი რეისებს დღეგამოშვებით შეასრულებს:
თბილისიდან გასვლა – 09:00; ოზურგეთში ჩასვლა – 16:18.
ოზურგეთიდან გასვლა – 08:40; თბილისში ჩასვლა – 16:00.
ბილეთის ღირებულება – 11-15 ლარის ფარგლებში იქნება.
ბილეთების შეძენა შეგიძლიათ საქართველოს რკინიგზის სალაროებსა და ონლაინ ვებგვერდზე: gr.com.ge
მცირედი ცვლილებაა თბილისი-ქუთაისის მიმართულებაზე: ქუთაისში მიმავალი მგზავრები ოზურგეთის მიმართულებით მოძრავი მატარებლით რიონის სადგურამდე იმგზავრებენ. რიონის სადგურიდან ქუთაისი 1-ის სადგურამდე გადასხდებიან №6355/6356 და №6353/6354 ელექტრომატარებლებში, რომლებიც მგზავრებს ქუთაისი 1-ის სადგურში 20 წუთში ჩაიყვანს. რიონი-ქუთაისი 1 მატარებლის მგზავრობის საფასური 0,50 ლარი იქნება.
დამატებით შეგახსენებთ, რომ gr.com.ge ვებგვერდზე ასევე შეგიძლიათ შეიძინოთ თბილისი-ფოთი-თბილისი (#874/873) და თბილისი-ზუგდიდი-თბილისი (#870/869) მატარებლის ბილეთები“, – ნათქვამია საქართველოს რკინიგზის მიერ გავრცელებულ ინფორმაციაში.
#drpkhakadze #გიორგიფხაკაძე #davidiani #shenitbilisi #აქხარისხია
