Galt & Taggart-ის ანგარიშის თანახმად, 2025 წლის მესამე კვარტალში Airbnb-ზე მოთხოვნა თბილისში მკვეთრად, წლიურად 18.5%-ით გაიზარდა და 229.3 ათასი ღამე დაიჯავშნა, ხოლო საშუალო დღიურმა ფასმა (ADR) ოდნავ მოიმატა და 56 აშშ დოლარს მიაღწია, გასული წლის მესამე კვარტალში არსებულ 55 აშშ დოლართან შედარებით.
ტურიზმის 2025 წლის მე-3 კვარტლის შეჯამება აჩვენებს, რომ ბათუმში მოთხოვნა შედარებით ზომიერად, წინა წელთან შედარებით 11.8%-ით გაიზარდა და 185.6 ათასი ღამე დაიჯავშნა, ხოლო საშუალო დღიური ღირებულება (ADR) ოდნავ გაიზარდა და 57 აშშ დოლარს მიაღწია, როდესაც გასული წლის მესამე კვარტალში 55 აშშ დოლარი იყო.
სასტუმროების ძირითადი მაჩვენებლების თანახმად, ბათუმშო სასტუმროების საშუალო დატვირთულობა მესამე კვარტალში 83%-მდე გაიზარდა 76%-დან, ხოლო ADR გასული წლის 127 დოლარიდან 129 დოლარამდეა გაზრდილი. თბილსში საშუალო დატვირთულობა ასევე გაუმჯობესდა 73%-მდე (2024 წლის მესამე კვარტალში 66%-დან), რასაც ევროკავშირიდან ჩამოსვლების ზრდამ შეუწყო ხელი. ADR კი 88 აშშ დოლარამდე შემცირდა 2024 წლის მესამე კვარტლში 92 აშშ დოლარიდან), რაც შეესაბამება ფასების მიმდინარე ტენდენციებს, რომლებიც წინა კვარტალებში დაფიქსირდა.
ამასთან, მე-3 კვარტლის პოზიტიური დინამიკის გათვალისწინებით, Galt & Taggart-მა 2025 წლის ტურიზმის შემოსავლის პროგნოზი 4.6 მლრდ აშშ დოლარამდე გაზარდა და ასევე, ელის, რომ 2026 წლისთვის ტურიზმიდან მიღებული შემოსავლები 4.9 მლრდ აშშ დოლარს მიაღწევს.
მეტი საინტერესო ინფორმაციისთვის ეწვიეთ sheniambebi.ge-ს.
#drpkhakadze #გიორგიფხაკაძე #davidiani #shenitbilisi #აქხარისხია
