შინაგან საქმეთა სამინისტროს ინფორმაციით, თბილისში და საქართველოს სხვადასხვა რეგიონში ერთდროულად ჩატარებული მასშტაბური საპოლიციო ღონისძიებების შედეგად ნარკოტიკულ დანაშაულში მხილებული 18 პირი დააკავეს.
გამოძიებით დადგინდა, რომ მათგან ნაწილი ნარკოტიკული საშუალებების რეალიზაციაშია ეჭვმიტანილი, ნაწილს კი ნარკოტიკების უკანონო შეძენა და შენახვა ედება ბრალად.
შსს-ს ცნობით, ნარკორეალიზატორებისგან სამართალდამცველებმა რამდენიმე საკონტროლო შესყიდვა განახორციელეს, მოსამართლის განჩინების საფუძველზე. შესყიდვებისას გამოყენებული იყო ფარული ვიდეო და აუდიო აღრიცხვის ტექნოლოგიები.
დანაშაულები განსაკუთრებით მძიმე კატეგორიის ქვეშ გადის და, მოქმედი კანონმდებლობის თანახმად, 20 წლამდე ან უვადო თავისუფლების აღკვეთას ითვალისწინებს.
#drpkhakadze #გიორგიფხაკაძე #davidiani #shenitbilisi #აქხარისხია
