უნივერსიტეტისა და პეტრე ქავთარაძის ქუჩების დამაკავშირებელი გვირაბის მშენებლობის ფარგლებში, ლევან ალექსიძის ქუჩის ნაწილზე საავტომობილო მოძრაობა დროებით იზღუდება, ინფორმაციას თბილისის მერია ავრცელებს.
29 იანვარს, 23:00 საათიდან 31 მარტის ჩათვლით, ლევან ალექსიძის ქუჩის N5 და N6-ის მიმდებარე ტერიტორიაზე ავტომობილების გადაადგილება სრულად აიკრძალება. აღნიშნული შეზღუდვა გავლენას მოახდენს იმ მძღოლებზე, რომლებიც უნივერსიტეტის ქუჩიდან ქავთარაძის ქუჩისკენ მიდიან.
„კერძოდ, 29 იანვრის 23:00 საათიდან 31 მარტის ჩათვლით, ავტომობილების გადაადგილება ალექსიძის ქ. N5 და N6-ის მიმდებარე ტერიტორიაზე სრულად შეიზღუდება, რის გამოც, უნივერსიტეტის ქუჩიდან ქავთარაძის ქუჩის მიმართულებით მოძრავი ავტომობილები გადაადგილებას ლევან ალექსიძის ქუჩის გამოყენებით ვეღარ შეძლებენ.
შეზღუდვის პერიოდში მძღოლები უნივერსიტეტის ქუჩიდან პირდაპირ დაუკავშირდებიან ქავთარაძის ქუჩას.
თბილისის მერია ბოდიშს გიხდით შექმნილი დისკომფორტის გამო!“, – ნათქვამია ინფორმაციაში.
#drpkhakadze #გიორგიფხაკაძე #davidiani #shenitbilisi #აქხარისხია
