გარემოსდაცვითი ზედამხედველობის დეპარტამენტი თბილისში მოქმედ პოლიეთილენის პარკების მწარმოებელ კომპანიებს გეგმურად ამოწმებს. შემოწმების მიზანია, დაიგეგმოს არაბიოდეგრადირებადი მასალების გამოყენების კონტროლი და გარემოს დაბინძურების პრევენცია.
ამჟამად, ნიმუშები იგზავნება სოფლის მეურნეობის სახელმწიფო ლაბორატორიაში, სადაც მოწმდება:
- დეგრადაციის ხარისხი
- მძიმე მეტალების შემცველობა
ინსპექტირების პროცესი წლის ბოლომდე გაგრძელდება და მოიცავს საქართველოს სხვა რეგიონებსაც.
გადაგზავნილი 14 ნიმუშიდან მხოლოდ ერთ შემთხვევაში დადგინდა დარღვევა. დარღვევის გამო, 48,000 ერთეული პარკი, რომელიც დეგრადაციის მოთხოვნებს არ აკმაყოფილებდა, დალუქულია, ხოლო მწარმოებელ პირზე შედგა ადმინისტრაციული ოქმი.
2019 წლიდან საქართველოში აკრძალულია არაბიოდეგრადირებადი პოლიეთილენის პარკების წარმოება, იმპორტი და რეალიზაცია.
ზედამხედველობის დეპარტამენტი ამოწმებს, რომ საცალო ვაჭრობაში მხოლოდ იმ პროდუქცია მოხვდეს, რომელიც ტექნიკურ რეგლამენტს აკმაყოფილებს.
რეგულარული ინსპექტირებისა და ცნობიერების ამაღლების შედეგად, ბოლო წლებში პლასტიკის პარკებთან დაკავშირებული დარღვევების რაოდენობა შესამჩნევად შემცირდა.
#drpkhakadze #გიორგიფხაკაძე #davidiani #shenitbilisi #აქხარისხია
