თბილისის მერია პროგრამის „ისწავლე და დასაქმდის“ ახალ ეტაპს იწყებს, რომელიც პროფესიული გადამზადებას და დასაქმების ხელშეწყობას ითვალისწინებს. დედაქალაქის მერის კახა კალაძის განცხადებით, მოქალაქეებს 31 მარტამდე აქვთ დრო, პროგრამაზე რეგისტრაციისთვის, რათა მიიღონ უფასო პროფესიული ტრენინგები.
„ბევრი ადამიანია, ვინც სამსახურს ეძებს. პარალელურად, ბიზნესი განიცდის კვალიფიციური კადრების ნაკლებობას. ჩვენ აქტიური კომუნიკაცია გვაქვს ბიზნესთან, რის შედეგად, ვიცით ყველა ის სფერო და მიმართულება, სადაც პროფესიონალი კადრების ნაკლებობაა. ამიტომ, წამოვიწყეთ ძალიან კარგი პროგრამა „ისწავლე და დასაქმდი“, რომელიც ხელს უწყობს ყველა იმ ადამიანს, ვისაც სურვილი აქვს, კიდევ უფრო გაზარდოს თავისი პროფესიონალიზმი. კერძოდ, მოხდება მათი გადამზადება, ასევე, დავეხმარებით სამუშაო ადგილების მოძიებაშიც“, – განაცხადა კახა კალაძემ.
პროგრამა მიზნად ისახავს თბილისის მოქალაქეებისთვის მოკლევადიანი პროფესიული კურსების შეთავაზებას სხვადასხვა სფეროში. პროგრამა მოიცავს სასწავლო მიმართულებებს, რომლებიც მოთხოვნადია შრომის ბაზარზე. გარდა ამისა, დედაქალაქის მერია დაეხმარება კურსის დამთავრების შემდეგ, მოქალაქეებს სამუშაო ადგილების მოძიებაში კერძო სექტორთან თანამშრომლობით.
„აღნიშნული პროგრამა დიდი პოპულარობით სარგებლობს. მოქალაქეებისთვის აღნიშნულ კურსებზე გადამზადება, ცხადია, უფასოა. ყველა ხარჯს მუნიციპალიტეტი თავის თავზე იღებს. ბოლო წლების განმავლობაში, ჩვენ 10 ათასამდე მოქალაქეს დავეხმარეთ და მივეცით შესაძლებლობა, გადამზადებულიყვენ. დასაქმების მაჩვენებელი გვაქვს 70%. ეს საკმაოდ მაღალი მაჩვენებილია, თუმცა კიდევ გვაქვს გაუმჯობესების რესურსი. ამიტომ, დარეგისტრირდით აღნიშნულ პროგრამაში დღეიდან 31 მარტის ჩათვლით, ონლაინ რეგისტრაციის პლატფორმაზე dasakmdi.ge“, – განაცხადა მერმა.
პროგრამის ფარგლებში, პროფესიული გადამზადება/გადამზადება განხორციელდება 70-ზე მეტ სპეციალობაში, მათ შორის მშენებლობის, ინჟინერიის, ინფორმაციული ტექნოლოგიების, კვების, ტურიზმის, მომსახურების, დიზაინის, ტრანსპორტის, ვეტერინარიის და ფინანსების სფეროებში.
მიმდინარე წელს პროგრამა დაიმატებს 10 ახალ კურსს, მათ შორის ბრენდდიზაინის, ინტერიერის დიზაინის, კიბერუსაფრთხოების, ადამიანური რესურსების მართვის, IT პროექტების მართვისა და სხვა სფეროების შესწავლას.
შენი კალკულატორი, გამოიყენეთ ეს კალკულატორი თქვენი სხეულის მასის ინდექსის (BMI) შესამოწმებლად
კალკულატორი – მიუთითე სქესი და სიმაღლე და გაიგე შენი იდეალური წონა
#drpkhakadze #გიორგიფხაკაძე #davidiani #shenitbilisi #აქხარისხია
