მსოფლიო რაგბის 20-წლამდელთა ჩემპიონატამდე რამდენიმე კვირით ადრე, საქართველოს ნაკრები თბილისში ინგლისის 20-წლამდელთა გუნდს დაუპირისპირდება. შეხვედრა 14 ივნისს, 18:00 საათზე „ავჭალის“ სტადიონზე გაიმართება.
უმცროსი „ბორჯღალოსნები“ ჩემპიონატისთვის „შევარდენის“ სანაკრებო ბაზაზე ემზადებიან. როგორც გუნდის მთავარი მწვრთნელი, ლადო კილასონია განმარტავს, შეხვედრა მნიშვნელოვნად დაეხმარება გუნდს, გამოასწოროს ის შეცდომები, რაც თებერვალში სამხრეთ აფრიკასთან დაპირისპირებაში გამოვლინდა და უკეთ შეათამაშოს სელექციით დაკომპლექტებული შემადგენლობა.
20-წლამდელთა ნაკრებს მიმდინარე ეტაპზე უკვე შეუერთდნენ ლეგიონერი მორაგბეები, თუმცა ეროვნული ნაკრების შეკრებაზე იმყოფება გიორგი ხაინდრავა, რომლის არყოფნა ჩემპიონატზე გუნდისთვის სენსიტიური იქნება.
ტურნირს იტალია 29 ივნისიდან 19 ივლისამდე უმასპინძლებს. საქართველო C ჯგუფში ირლანდიის, ახალი ზელანდიისა და იტალიის წინააღმდეგ იასპარეზებს. ფინალური ეტაპი 14 და 19 ივლისს გაიმართება.
საქართველოს ნაკრების თამაშების განრიგი მსოფლიო ჩემპიონატზე:
- 29 ივნისი, კალვიზანო – საქართველო vs ირლანდია
- 4 ივლისი, ვიადანა – საქართველო vs ახალი ზელანდია
- 9 ივლისი, კალვიზანო – საქართველო vs იტალია
A ჯგუფში მოხვდნენ ინგლისი, ავსტრალია, სამხრეთ აფრიკა და შოტლანდია, ხოლო B ჯგუფში – საფრანგეთი, არგენტინა, უელსი და ესპანეთი.
#drpkhakadze #გიორგიფხაკაძე #davidiani #shenitbilisi #აქხარისხია
