თბილისში მომხდარი ჯგუფური ძალადობის საქმეზე შინაგან საქმეთა სამინისტრომ ორი პირი დააკავა. როგორც უწყება აცხადებს, შემთხვევა 2 აპრილს, ღამის საათებში, რაფაელ აგლაძის ქუჩის მიმდებარედ მოხდა, სადაც ახალგაზრდა მამაკაცებს შორის ჩხუბი ფიზიკურ დაპირისპირებაში გადაიზარდა.
თბილისის პოლიციის დეპარტამენტის დიდუბე-ჩუღურეთის მთავარი სამმართველოს თანამშრომლებმა დააკავეს:
- 2002 წელს დაბადებული ლ.ე.
- 2002 წელს დაბადებული ლ.ა.
ორივე პირი საქართველოს სისხლის სამართლის კოდექსის 126-ე მუხლის პირველი პრიმა ნაწილის საფუძველზე არის დაკავებული, რაც ჯგუფურ ძალადობას გულისხმობს.
გამოძიებით დადგინდა, რომ ლ.ა.-ს და ლ.ე.-ს, ასევე 2001 წელს დაბადებულ ნ.ც.-სა და 1993 წელს დაბადებულ ო.მ.-ს შორის თავდაპირველად მოხდა სიტყვიერი შელაპარაკება, რომელიც მალევე ფიზიკურ დაპირისპირებაში გადაიზარდა.
ამ ეტაპზე ლ.ა. და ლ.ე. დაკავებულები არიან. ნ.ც.-ს დაკავების მიზნით მიმდინარეობს შესაბამისი ღონისძიებები. საქმე აღძრულია სისხლის სამართლის კოდექსის 126-ე მუხლის 11-ე პრიმა ნაწილის საფუძველზე, რაც ჯგუფური ძალადობისთვის გათვალისწინებულ პასუხისმგებლობას გულისხმობს.
პოლიციის განცხადებით, ოპერატიულ-სამძებრო და საგამოძიებო ღონისძიებები ინტენსიურად გრძელდებლა.
#drpkhakadze #გიორგიფხაკაძე #davidiani #shenitbilisi #აქხარისხია
