თბილისში, ბელიაშვილის ქუჩაზე, გასროლილი ე.წ. ბრმა ტყვია საცხოვრებელი კორპუსის რამდენიმე ბინაში შევარდა. ადგილობრივების თქმით, გაისმა ხუთი გასროლის ხმა, რის შედეგადაც ტყვია ერთ-ერთი ბინის სამზარეულოში შევარდა.
„გავიგეთ ხუთჯერ გასროლის ხმა. ჩვენ ვცხოვრობთ ბელიაშვილზე, მე-16 სართულზე. სამზარეულოში მოხვდა ტყვია და ჩვენ მისაღებში ვიყავით. თავიდან ფეიერვერკის ხმა გვეგონა, მაგრამ მეხუთე გასროლის ხმა არ იყო, საშინელი მსხვრევის ხმა იყო“, – ამბობს ერთ-ერთი მოქალაქე „ფორმულასთან“.
მომხდარის გამო, საქართველოს შინაგან საქმეთა სამინისტრომ გამოძიება დაიწყო და საქმე აღიძრა საქართველოს სისხლის სამართლის კოდექსის 236 მუხლის მესამე ნაწილით, რაც ცეცხლსასროლი იარაღის ან საბრძოლო მასალის უკანონო შეძენა-შენახვას გულისხმობს.
#drpkhakadze #გიორგიფხაკაძე #davidiani #shenitbilisi #აქხარისხია
