თბილისის შემოსასვლელში, კახეთის გზატკეცილზე, სამგორის პარკში, ერეკლე II-ის ძეგლის დადგმა იგეგმება. პროექტი კულტურის სამინისტროს მიერ გამოცხადებული 940 064 ლარის გამარტივებული შესყიდვის ფარგლებში განხორციელდება. ძეგლი მოქანდაკე მერაბ მერაბიშვილის ნამუშევრის მიხედვით დამზადდება, რომელიც თელავში არსებულ ერეკლე II-ის მონუმენტს ეყრდნობა.
პროექტის პირველ ეტაპზე უკვე შესრულებულია ძეგლის ნატურალური ზომებით დამზადება, ხოლო მეორე ეტაპი მოიცავს თაბაშირის ფორმის მომზადებას, ძეგლის ჩამოსხმას ბრინჯაოში და ადგილზე მონტაჟს. ამ ეტაპის ღირებულებაა 940,364 ლარი.
ამ პროექტის მნიშვნელობა მაღალია, რადგან ერეკლე II-ის ძეგლი თბილისის შემოსასვლელში სიმბოლურ დატვირთვას ატარებს და ქვეყანას გადამწყვეტი ისტორიული მომენტის ამსახველი მონუმენტი დაამატებს. პროექტი 2025 წლის 30 სექტემბრამდე უნდა დასრულდეს, ხოლო საზეიმო გახსნის თარიღი 2025 წლის სექტემბერია.
პროექტი შპს „ნიუკონსთან“ გაფორმებული ხელშეკრულების ფარგლებში ხორციელდება, ხოლო ავტორობა ეკუთვნის მარიამ და სოფიო მერაბიშვილებს.
#drpkhakadze #გიორგიფხაკაძე #davidiani #shenitbilisi #აქხარისხია
