გერმანული ლეგენდარული ჯგუფის Rammstein-ის ვოკალისტი ტილ ლინდემანი თბილისში კონცერტს გამართავს. სოლოტურნეს Meine Welt ფარგლებში, კონცერტი 2026 წლის 11 იანვარს, თბილისის სპორტის სასახლეში შედგება.
ბილეთების გაყიდვა ოფიციალურად დაიწყო — მსურველებს მათი შეძენა 6 ივნისიდან შეუძლიათ ვებგვერდზე biletebi.ge.
რა ღირს ტილ ლინდემანის კონცერტზე ბილეთი?
- სტანდარტული ბილეთები: 150 ლარიდან
- ფანზონა: 300 ლარი
- VIP ზონა: 500 ლარი
ლინდემანის ახალი ტურნე Meine Welt (“ჩემი სამყარო”) დაპირებულია, რომ იქნება სრულიად განსხვავებული შოუ — შთამბეჭდავი ეფექტებით, სცენური დიზაინითა და ლინდემანისთვის დამახასიათებელი ენერგეტიკით.
ტურნეს ფარგლებში ტილ ლინდემანი 17 ქვეყანაში 25-ზე მეტ კონცერტს გამართავს. კავკასიასა და ცენტრალურ აზიაში, კონცერტების ორგანიზატორია რუსეთში დაფუძნებული სააგენტო Park Live World, რომელიც ასევე მართავს ღონისძიებებს ალმათიში (ყაზახეთი) და ტაშკენტში (უზბეკეთი).
62 წლის ტილ ლინდემანი მეტალ მუსიკის ერთ-ერთ ყველაზე გამორჩეულ ვოკალისტად ითვლება. Rammstein, მისი ფრონტმენობით, 30 წელზე მეტია მსოფლიო სცენაზეა და მისი სიმღერები საკულტო სტატუსს ინარჩუნებს. ჯგუფს გაყიდული აქვს 25 მილიონზე მეტი ჩანაწერი, ხოლო ხუთი ალბომი პლატინის სტატუსის მფლობელია.
გარდა Rammstein-ისა, ტილ ლინდემანს აქვს საკუთარი სოლოპროექტი Lindemann, გამოჩენილია რამდენიმე ფილმში და გამოცემული აქვს სამი პოეტური კრებული.
#drpkhakadze #გიორგიფხაკაძე #davidiani #shenitbilisi #აქხარისხია
